شي من البدايات

[سعد الهلــــولي]

شي من البدايات
لعلها تكون بمستوى تصفحكم
العناء مل مني واشتكى من عناي
[poet font="Simplified Arabic,4,crimson,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
جيتلك ظامي تكسر من ظمايه شفاي = قلت دونك لهيب النار واقطع ظماك
العناء مل مني واشتكى من عناي = ما عرفت العناء قدام عرفي غلاك
ارتجيتك سراب ولا تحقق مناي = ضاع ثلثين عمري في رجاوي هواك
اشتهيته لقاك اشلون تخشى لقاي = تدري اني رهنت العمر فدوة رضاك
كيف انا اهديك عمري والمجافى جزاي = ناسي أني بلحظه قلت كلي فداك
احتواني ظلام اليأس حطم رجاي = ربي اللي حرمني وربي اللي عطاك
من بعد ما جرح سيفك حنايا هواي = اتضحلي بأني نجم فارق سماك
وكان ابرجاك ترجع تحت فية عصاي = مثل راجي مخيله بعد ثاني سماك

[/poet]

تنويه
كلمة ( سماك ) في البيت الأخير
السماك الثاني هي اخر الأنويه التي يرجي بها الباديه ان يرزقهم الله المطر
قال الشاعر
يا ناقتي لا نو السماكين عدن
..................شدي خطامك واطلبي عام داير
والحقيقة ان المطر علمه عند الله تعالى ولا ينبغي ان نقول انا مطرنا بنو كذا
والله اعلم سبحانه نستقفره ونتوب إليه
والتحية للجميع