من روائع الأمير عبدالله الفيصل
رحمه الله
[poem=font="Simplified Arabic,6,#000000,bold,normal" bkcolor="" bkimage="images/toolbox/backgrounds/14.gif" border="none,4,#400000" type=2 line=0 align=center use=ex num="0,#400000"]
أنا بليت بحبكم من هبالي=والا انت ظلٍ ما لنا فيه منزال
خيرك لغيري والشقا والعنا لي=والمشكلة أني عارفٍ كل الأحوال
أرمي بروحي في بحرك الزلالي=وترميني أمواجك على يابس الجال
اسأل فراشي كيف أقضي الليالي=بالليل لي حالٍ ومعكم لي أحوال
ومن خوفي العذال تدري بحالي=ويكثر علي من العذل قيل والقال
ابعدت خلاني وجيتك لحالي=وفرشت لك قلبي مقرٍ ومدهال
ويوم ابعدن حبالهم عن حبالي=ودريت انك عندنا غالي المال
ابديت عقب الحب صافي الجفا لي=وخليتني محتار في أشهب اللال
وطلبت ربٍ عالمن ما جرالي=ما حط دون الخلق حاجب ومرسال
ومنحني السلوان عالي الجلالي=ورد الحياة لسالمٍ ما طلب مال
وابعد خيالك خالقي عن خيالي=وقصر علي الليل من بعد طال
واليوم ترسل لي وتبدي الوفا لي=تبدي لي اعذارٍ قصيرات وطوال
تبي تجدد ما انقطع من وصالي=ترضي غرورك بس يا حسن الأقبال
ما عاد تخدعني عقب ما بدالي=وإن عدت فيما عدت ما نيب رجال[/poem]