[poet font="Simplified Arabic,5,darkblue,normal,normal" bkcolor="transparent" bkimage="backgrounds/20.gif" border="none,4,gray" type=0 line=200% align=center use=ex length=0 char="" num="0,black" filter=""]
ماجد ابو مديده

سلام لأهل الوفاء الاحشام=والطيب منهم تعودناه
ليا معك يا محمد زام=ومجهزه لفارعه وأدناه

محمد احمد الدبيش

واجب علينا ويبقي إلزام=واللي لفى منك قدرناه
لجل الوفاء والكلام الهام=ترحيب ما خطته يمناه

ماجد ابو مديده

مدري أقولك عن الآلآم=والا العذاب الذي عشناه
لجل الذي فالضماير حام=كل المخاليق ما تقــواه

محمد احمد الدبيش

كلاً حسوسه معه وأسقـام=متفاوته بين خلق الله
ما أفتيك في حالة استفهام=حتي يجي للمثل مرساه

ماجد ابو مديده

الطب والجرح والاحلام=تشاركوا وأعلنوا مأسـاه
خلت فؤاد الشديد حطام=بقيادة اللي تأملناه

محمد احمد الدبيش

نظرت في الوضع بإسترحام=ما دمت واقف علي مضماه
وش له سبب يصدرون أحـكام=خلاه عنكم تحول خطاه

ماجد ابو مديده

لو ما انت فالمعرفه علام=ماكان نشكي عليك الاه
واللي حكمنا بحكم إعدام=بعد إبتلشنا وحبيناه

محمد احمد الدبيش

ما أرْغِم عليك المعاني إرغام=وْلاَبْغي معك يدّرق مسعاه
لأوْهَمْك باللي عليكم سـام=يبغاك تسعي لكسب رضاه

ماجد ابو مديده

مسعي هوايا حدعشر عام=ولازلت في ذل ومعانــاه
ومثلك ما يوقف مع الظلام=يرضي لنا شيء ما يرضاه

محمد احمد الدبيش

اللي وَرَد ما عليه إعْسام=من مبتدأ القيل لين أتلاه
صدّرت حكمه لكم بأختام=في عرفنا من عدول أقضاه
منهو رضي بالعذاب التام=وخلاه يأخذ معه مجراه
يطْبِق عليه الأسى بإحكام=يخلف معه كل ما سواه


ويصحابنا سامحونا
[/poet]