بسم الله الرحمن الرحيم


في بداية كلامي السلام عليكم..... ارحب فيكم بعد غيابي لمدة 3 اشهر وبصراحه وحشنا المنتدى واللي فيه موضوعي بسيط ومافيه فلسفه ولكن اتمنى كل منا يدلي بدلوه بدون تكليف او تجريح ؟؟؟؟؟؟؟ بس حطول سامحوني


نشوف ماشاء المحلات اللي في ينبع سواء سوق الخواجه او سوق الحنان طبعا كل محل ماشاء الله فيه من افضل واجود بضاعه والزبائن اللهم زيد وبارك .... كل ماارفع راسي اقرأ رخصة البلدية أو السجل التجاري الاحظ صاحب المحل من اهل البلد ومعروف واهله طيبين ..... لكن ماعمري شفته:eek: في المحل ولاحتى جنبه ...... طبعا ؟؟ لاتعليق ؟؟ نقطة نظام .

الدولة ماقصرت ووضعت الأنظمة الرادعه وبصراحه اللي يقراها المفروض يكون واعي عن كل مايحصل من حوله ولكن للأسف ضرب بها في عرض الحائط ويقول في نفسه ياعمي البلد كلها زي كذا جات عليا انا لوحدي ... طيب ياحبيبي ...الله يحفظك انت ايش مستفيد 2000 كل شهر ولا اكثر اذا هو يدخل شهريا من 30 الف فما فوق وانت فرحان ب 1500 او 2000 ولعلمك للشرع حكم في مثل هذه الطرق ... يااهل ينبع يجماعه الخير والله البلد بلدنا والأجانب قاموا يبيعون ويشترون فينا ..... مكتب العمل ؟؟ صحصح شارع الحنان رايح جاي كأنك في صنعاء مع احترامي للأخوة اليمنين .. مو معقولة ولكن احنا السبب اهل ينبع والسعودية كلها والمثل يقول((( الأعمى في بلد العميان مفتح ))))


" ليش ندور على الوظائف واذا مالقينا بقينا مكتوفي الأيدي عطالة ... يااخي افتح محل جوالات ... يقول ابغا راس مال والبلد كلها محلات جوالات ..... طيب ابدأ شوي شوي وربي يوفقك بس اعزم وشوف الخير كيف يجيك ... يحك راسه ياعمي ... كبر الدماغ ... يازين وظائف الحكومة استنى الى ان اتوظف وربك يجيب مطر .


خلاصة الكلام ؟؟ اني كل ماادخل محطة في طريق الهيئة الاقي السوبر ماركت في المحطة فل كامل بضايع ماشاء الله والسوق حريقة ؟؟ اطالع الموظفين كلهم جنسية وحدة وبعد كل مااجي عليهم كثير الاقي المحل لهم والمحطة تم تأجيرها لهم بالكامل ؟ ومبسوط الهندي من فخذ كيرلا ... وهذا ماعندي وللحديث بقية اتمنى منكم الاقتراحات والاستفسارات وكل ماهو يخدم هذا الموضوع