((( الـفـ/ـصـ/ـو/ل...الأربعه))).......البعيد

[البعيـد]

[ALIGN=CENTER]احبتي
السلام عليكم ورحمة الله وبركاته

هذه قصيده لي
نشرت في مجلة ((ليلة خميس)) في عدد سابق

اتمنى ان تحوز على رضاكم
وربما انها آخر ماسأكتب هنا وهناك[/ALIGN]



[poet font="Simplified Arabic,4,black,normal,normal" bkcolor="transparent" bkimage="backgrounds/13.gif" border="double,4,gray" type=1 line=200% align=center use=ex length=0 char="" num="0,black" filter=""]


الفصول الأربعه
الجروح اللي حسبناها تزول=قبلها كنّا من الله في سعه
قبلها خيل الفرح عندي تصول=تستثير القاع يمّي مسرعه
قبلها بأحلامي النجمات أطول= انثر الكون بيديني واجمعه
حافظٍ دنياي من عرضٍ لطول=كل دربٍ اجهله كنت اقطعه
كان حكيي كلبوه عقود لول=كل ماجوّعت بالصمت اشبعه
اخلط بكيفي تفاصيل الفصول=في فصل واحد اعيش الاربعه
من عرفت ارضي وهي عندي سهول=كنت ادوس الصعب من بعد اصفعه
جيت ادوّر للهوى عندي حلول=كلّها من شان من هو يتبعه
قلت اجرّب وش بعد قرع الطبول=وان بغى قلبي يميل ارجّعه
بان لي ذاك الظبي/ظبيٍ جفول=واهني ارضٍ عليها ترفعه
حسنه اذهل كل صافين العقول=صارت صدور البشر منه اشرعه
لو تناظرني/طغى فيّ الذهول=كنّ قلبي صار خاتم بأصبعه
كنت اسولف/بس مدري ويش أقول=كنت يوم إني اسولف/أسمعه
كلّ كلمه منه خطوه للوصول=كنت طامع فيه مدري بطمعه
المسافه بيننا صارت تحول=وآآآآآآه ياشين المفارق ماأفظعه
عايشٍ كني عن الناس معزول=صاحبي قفّى وأخذ قلبي معه
صرت من بعده من الدنيا ملول=صرت اصب الحزن فيني وازرعه
والهوى صار بغرابيلي عجول=والفرح ياخوي ضيّعت سنعه
اتعبت حالي ثقيلات الحمول=والهموم اللي لجت بي موجعه
طالبك يالجرح عن قلبي تزول=ضعت/يالله لاتعيد المعمعه
وسلامتكم
عبدالله ........البعيد
[/poet]