رثائية الملك للشاعر / يوسف الوهيب أمين لجنة التنمية السياحية بينبع





http://im48.gulfup.com/LtLKvo.png


يـالله يـالمـعبـود تجـبر عزانـا
بالعاهل اللي دارنا اليوم تبكيه
يا شين علم ٍ تالي الليل جـانا
ابنشرة الاخبـار تنعـى وترثيـه
كل الاسى والحزن غيم سمـانا
هالموقف الموقف وصعب نعديه
عقب الخبر نوم الليالي جفـانا
لا زاد يطعمنا ولا جوف نرويه
كل الغـلا ومـا حد يقدر غلانا
من غير ابو متعب نحبه ونغليه
رغم المتاعب والمصاعب رعانا
يشيل هم الشعب وهمه يخليه
يـاحظ عبدالله إمحقـق رضـانا
واليـوم يتـوجب علينـا إنوفيه
يـاعالـم الاسرار حقق رجـانا
إبجنة الفردوس يـارب تجزيـه
وكل البقا بسلمان ومنا وفانا
راع الوفا سلمان ماحد يباريه
الشعب بـارك بـايعه مـاتوانا
وحتى الشعوب الثانية جت تهنيه
ومقرن ولي العهد حبه دعانا
إنبايعه نعـم العضيد ونحيـيـه
ومحمد اللي له مواقف ترانـا
إنبايعـه والامن باقي باياديـه
يـالله يـالمعبـود دوم تحمانـا
وتحغظ وطنا من هل الشر وتحميه