قصة كفاحي من روائع الشعر النبطي للشاعر سليمان العنيني

[صدق المشاعر]

قلة هم الذين يحضرون ويحضر معهم الأبداع وتعانق كلماتهم الأبداعيه سماء الأفق بما تحمله من حكم بليغه وقصص للكفاح الناجح وتصوير بديع لمصعاعب الحياه في قالب شعري اقل ما يقال عنه انه السهل الممتنع واحد هؤلاء هو أبرز شعراء جهينه الشاعر القدير سليمان سعد العنيني الذي برز بقوه في شعر القلطه وحقق المركز الثاني على مستوى الخليج متقدما على الاف الشعراء الأقوياء وكما عرفنا ابو خالد شاعرا قويا في سبك المعنى في شعر القلطه هاهو اليوم يتحفنا في رائعه من روائع الشعر النبطي تتجسد فيها الحكمه وجزالة الشعر بأزهى صوره واترككم مع هذه المذهله

يامدون الشعر للتاريخ وثقها= قصة كفاحي من اولها ليا اتلاها

مشيت من مغرب الدنيا لمشرقها = وجربت مر الليال السود واحلاها

ومريت بالناس كاذبها وصادقها= واعباد مايعرف الا الله نواياها

ظروف وقتي تصافقني واصافقها = يوما تعداني ويوم اتعداها

ياما اوقفت بي على الدرب ومفارقها = وياما اوقفت دون حاجات اتمناها

لاشفت الأهداف وارهيت لتحققها =ر احت مراح القطا والدلو ورشاها

ورجعت حاول وانا عارف حقايقها= ظروف صعبه لكن عزمي تحداها

ولازادني رحلتا كثرة عوايقها =الا عزيمه على الطرقه وممشاها

لاجلي دروب العلامن صغر عاشقها = ورجلي على دروبها مااريح خطاها

بالعزم ساير خطى الأيام اسابقها= والعون من خالق الدنيا ومولاها

ولا انسى رجالا يشرفني مرافقها= وقفت معي في مواقف ما اتناساها

وانا بسفينه خشيت الموج يغرقها= ووصلت لبر الأمان وربي انجاها

وصبرت لوان صبر النفس يحرقها= ونجحت واعداء نجاحي خاب مسعاها

ورزق البشر كلها بيدين خالقها= والنار ماتحرق الا من توطاها

واختامها دلة الرسلان سايقها= لرجال درب المراجل من مزاياها