استاذي ابو رامي تسلم وماقصرت .اخواني محمد الذبياني الحجازي نحو الهدف تسلمون وماقصرتم .
نحن نقول ادارة الهيئة الملكية لديها كامل المعلومات عن الوادي وشعابه والسيول التي تجري خلاله ,وفي استطاعتها ان توضح الحقيقة .
شوف يابشير خليك معايا في الكلام الجاي عشانك (صحيح نرغب الخروج عن الموضوع لكن كله في حب الحبيب يهون )
اما من ناحية الحساسية المفرطة وان مدينة ينبع الصناعية وينبع البحر لاتداخل بين اهلها وتعاون نقول هذا اجحاف وللحق عاصرت قيام هذه المدينة منذ البداية والان لااغيب عنها لم اشاهد وجود فوارق او تجافي بين سكانها وابناء ينبع اما ان نخلق امور لاتوجد غير في مخيلتنا اعتقد هذا ظلم لانفسنا ولاخواننا .وكثير ماكنت اتحدث مع اخواننا في هذه المدينة لم اجد هذه الحساسية المفرطة ودائما يسمعوني هذه العبارة (والله انتم ياهل ينبع تجرون شكل )في البداية لم استوضح معنى تجرون شكل وفسروها لي (يعني نحن دور شر )بحث عن مشاكل اصدقكم يسخن الحديث احيانا (ياجماعة الخير انتم ياسكان الصناعية الواحد فيكم جلده مانشوف خير من خيركم الواحد فيكم ماينزل البلد غير متمشي او مار مرور يعمي اشتري مره في الشهر مرتين محلات البلد فيها مثل ماعندكم من بضاعة واحسن وارخص لكن مافيه فايده نفس القطعه المعروضه في البلد وسعرها خمسين تتركها وترجع المدينة الصناعية وتشتريها في مئة ريال طيب ليه انتم ماتعرفون الشئ الطيب غير في السعر ,اقولكم الصدق انتم بينضحك عليكم .
على الفور يرد علينا بعضهم بقوله :شوف حبيبي انتم يااهل البلد وفي كل صراحة تخوفون الواحد لو دخل شارع بالغلط وناوي يخرج منه اول مايقابلك الشباب ..اويه اخو ....انتبه السيارات لاتصدمها حبيبي انت في البلد مانت في الهيئة ايوه فتح عيونك.
اقولهم صحيح وهذا من حقنا شورعنا على قدنا وسيارتنا موقفينها تحت الشبابيك والشارع يدوب يعدي سياره من سياراتنا تجون تكشخون بسيارات طول وعرض الله يزيدكم من خيره نعم مانرضى تصدمون تفتكرون انفسكم في الشوارع حقتكم اتجاهين وارصفه وعيون قط ولمبات اما عندنا يدوب عمود نور واحيان بدون لمبه ,يعني مانحصل غير التكسير ,طيب فكو ايديكم اصرفو اشترو وانتم متعودين على البضائع الناشفه والمجمده .)
وللحديث بقية للعودة لاصل الموضوع............
