تصوير : باسم الجهني
أقيم هذا الرديح في ينبع البحر بمناسبة زفاف الشاب
باسم عواد ابو غندر
مساء الأربعاء 29/12 / 1433هـ
حضره من الشعراء
من جده عبدالعزيز بنيه وجبارة العروي
من جدة أيضا ماجد ابو مديده وناصر السميري وشاركهما ياسر الكبيدي
من أملج محمود عزازي وعبد الله باخت وأحمد الصيدلاني وعبد الخالق الحمدي وحضور محمد حامد السناني وصلاح العلاطي
من ينبع النخل عطية الله الفدعاني
من ينبع البحر عايش الدميخي وشتيوي الرفاعي
من ينبع البحر أيضا محمد الهريويل وعايد أبو جنق وآدم عطا










لحن ليحان

[poem=font="Simplified Arabic,5,white,bold,normal" bkcolor="green" bkimage="" border="double,4,black" type=0 line=0 align=center use=ex num="0,black""] جدة
عبدالعزيز بنية وجبارة
كل الوفا من قديم وجد=مستجمعينه لهذا اليوم
سلام يرقى لتؤام مجد=عواد والحاضرين عموم
.
ينبع البحر
عايش وشتيوي
وحياة من أوجدك وأوجد=شهراً وفيه العباد تصوم
هذا المسا يعد فوق العد=يامرحبا والموافا يدوم
.
من أملج
محمود عزازي ورفاقه
حظ الذي عاش حتى شاف=ليلة حتين الوفـا عـواد
جينا نسجل لهـم ميقـاف=سلام فـي أول الاعـداد
.
ينبع البحر
الرد من محمد الهريويل ورفاقه على أملج
الكل منكم نجم كشـاف=بحضوركم أنسنا يـزداد
ترحيبنا بالجميع أضعاف=الطيب دايم لكم ميـراد
.
ينبع البحر
الرد من عايش وشتيوي على أملج
ليلة وفيها السعادة أصناف=وماء الذهب للموافا مـداد
مرحب هلا والتحية أضعاف=بوجودكـم نورهـا يـزداد
.
وهنا توقف صف أملج
.
جدة
عبدالعزيز وجبارة
مخبور راعي الوفا من جد=ناقي وصاحب وفا ولزوم
جيناه لجل الموافا حشد=نرقى بليلة صفا لنجوم
.
ينبع البحر
عايش وشتيوي
هذا الأمل والذي نعهد=منكم وبين البشر معلوم
خريج من جامعات العد=ومنها نهلنا ادب وعلوم
.
جدة
عبدالعزيز وجبارة
ما دام كلاً بمده مد=واصبح هدفنا هدف مرسوم
نبغى الصفا من قريب وبعد=وراع الصفا بالصفا ملزوم
.
ينبع البحر
عايش وشتيوي
حنا لهذا نمد اليد=والكل يأخذ منه مقسوم
من يمنا مايتأخر رد=لا بان خافيك فالمزهوم
.
جدة
عبدالعزيز وجبارة
مجبور صرح الصفا له بند=كلاً تحت رايته محشوم
في رأيك يفيد فيه العند=لا صار كلاً عليه يسوم
.
ينبع البحر
عايش وشتيوي
عرش السلاطين ما ينهد=له قن في ساحته وسلوم
والعند يذهب حصيل الٍجهد=راعيه كلاً عليه يلوم
.
.
وأنكسر اللحن
[/poem]











لحن سلام


[poem=font="Simplified Arabic,5,white,bold,normal" bkcolor="blue" bkimage="" border="double,4,black" type=0 line=0 align=center use=ex num="0,black""] ينبع اليحر
محمد الهريول ورفاقه
ليل الصفا زان في ماده=ومعسكره وكامل التدريب
مهما اختلف شأن ميراده=مالي عن ملايمه تجنيب
.
أملج
محمود عزازي ورفاقه
ما قلت فالماد معتاده=لا حان وقت الصفا ما نغيب
جينا على وقت ميعاده=وزعه وتقدير لأهل الطيب
.
ينبع البحر
محمد الهريول ورفاقه
قلب المعنى اسى ساده=ومعالجه حار فالتطبيب
ومعالج الحال ما فاده=لعل توصف علاج يثيب
.
أملج
محمود عزازي ورفاقه
كم حي يشكي من انكاده=والقلب يأخذ معه ويجيب
ما يوصل الطب لمراده=إن ما عرف سبة التعذيب
.
ينبع البحر
محمد الهريول ورفاقه
مخصوص بين العضى راده=من دون سابق ولا ترتيب
كيف يتجاسر على عناده=حسب اعتقادي لكم تجريب
.
أملج
محمود عزازي ورفاقه
لو مالقي خط يرتاده=وسلوب يسمح له التصويب
ما كان يشعل لك زناده=ويصير امره عليك مهيب
.
ينبع البحر
محمد الهريول ورفاقه
انين قلبي من جهاده=الشمس تطلع عليه وتغيب
محروم حتى من رقاده=ياربة القيل والتهذيب
.
أملج
محمود عزازي ورفاقه
راقب هوى مركز ارصاده=وقرب السأله تقريب
والسعد لا حان ميلاده=تبرى جروح الأسى وطيب
.
.
وانكسر اللحن[/poem]










لحن زمانين


[poem=font="Simplified Arabic,5,white,bold,normal" bkcolor="darkred" bkimage="" border="double,4,black" type=0 line=0 align=center use=ex num="0,black""]
جدة
ماجد ابو مديده ورفاقه
غصن الغرام المعنا مال=وخيم على روض عشاقه
وانا وقلبي نقاسي حال=يبعد بنا خارج انطاقه
.
ينبع النخل
عطية الله الفدعاني
عادات راعي الهوى ميال=لا شاف منظر منه شاقه
وانت وش اللي نحاك لحال=في حال ماهو على اسياقه
.
جدة
ماجد ابو مديده ورفاقه
طعنة غدر وقعها فعال=هزت فؤادي من اعماقه
كل مااقنع النفس بالميصال=تجبرني اسعى على فراقه
.
ينبع النخل
عطية الله الفدعاني
غالي ولا أرضى عليك عضال=وقلبي عليك اعلن اشفاقه
الغدر سهمه قوي قتال=وغدر المحبين متحاقه
.
جدة
ماجد ابو مديده ورفاقه
ما فادني في دواه جدال=ولامناقشه حلت اوثاقه
وعلى كذا ساءت الاحوال=وجرحي بلغ قمة ارهاقه
.
ينبع النخل
عطية الله الفدعاني
اصله إذا له عليك وصال=لو كنت مجبر على وفاقه
الحلم من شيمة العقال=وكلا حسب منهج اخلاقه
.
جدة
ماجد ابو مديده ورفاقه
لمفارقه ما لقيت بدال=من يوم كأس الغدر ساقه
هل يعقل مواصل المحتال=اللي تعدى على ارفاقه
.
ينبع النخل
عطية الله الفدعاني
مادام بان الدليل الدال=اللي موثق على اوراقه
عني اتركه ولا عليه تسال=ولا ترتجي يوم براقه
.
.
وانكسر اللحن
[/poem]















لحن مالك الروح


[poem=font="Simplified Arabic,5,white,bold,normal" bkcolor="green" bkimage="" border="double,4,black" type=0 line=0 align=center use=ex num="0,black""]

ينبع البحر
آدم وعايد
طال انتظاري لليل الأنس=كل يوم وانا احسب حسابي
ما دام طلعت علينا الشمس=اصغي لنا واسمع خطابي
.
جدة
عبدالعزيز بنية وجبارة
انا لرسم المثل محتس=ومسجله امس في كتابي
انت حبسته بيدك حبس=والآن ترجيه وتحابي
.
ينبع البحر
آدم وعايد
انا درست المعاني درس=والوضع واضح مهو غابي
من شأن بعض الاحبه بس=انحي عن نزاع ونشابي
.
جدة
عبدالعزيز وجبارة
انت طمست المعاني طمس=وشرعت له نهج ونصابي
ومن غير اهله عديم الحس=مايقبل اغراب واجنابي
.
ينبع البحر
آدم وعايد
عد الروى ما يعود رس=للقيل ناقد وحسابي
ما عندنا تفرقه فالجنس=لكل ربعي وطلابي
.
جدة
عبدالعزيز وجبارة
اهل الصفا ماعليهم لبس=جميعهم خيرت احبابي
والكل بصًم عليك الخمس=انك على الود حرابي

[/poem]



وانكسر اللحن وياأصحابنا سامحونا







زهورات قيلت بين الألحان



[poem=font="Simplified Arabic,5,firebrick,bold,normal" bkcolor="silver" bkimage="" border="double,4,black" type=0 line=0 align=center use=ex num="0,black""]

عواد ابو غندر
ترحيب ياللي لفيتونا=يأهل الوفا يارجال كمول
انتم على الطيب جيتونا=عقبالكم والليالي طول
.
جباره العروي
من جده وثغرها الباسم=جيتك عجل مسرع الخطوات
ابغى اشارك فرح باسم=ابن الوفي راعي الوقفات
.
غالب الاحمدي
لجلك مع الناس ما قصرت=والكل عند اللزم يرعيك
حتى الذي ما وصله الكرت=بزفاف باسم حضر يرعيك
.
ناصر عود
لاجيب لأهل الوفا طاري=والكل بلي بعرفه شاد
وتبين الوضع للقاري=لابد يذكر معه عواد
.
فهد ناصر
اليوم منت هنا لحالك=احباب واصحاب موجودين
وحنا مع الجمع جينالك=حتى نوفي مع الوافين
.
سامي القبساني
جينا نوافيك يا وافي=يارمز لأهل الوفا وضاح
مبروك ياعد ياصافي=من مغرب الشمس للاصباح
.
على الصيدلاني
شاهد معي كامل المنظر=وجيه فيها الفرح بادي
هذا لخاطر ابو غندر=حضرو جما عات وافرادي
.
يوسف الكشي
عميد فن الصفا أصدر =إعلان عن ليلة أفراحه
وراع الوفا مثل أبو غندر=من الوفا يجني أرباحه
.
على الدريني
من حمد ربي انا طيب=السقم عدا وعني راح
من يسأل الرب ما يخيب=يشفيه لو كان جنبه طاح
.
ماجد ابو مديده
كل مانزف جرحي الدامي=اللي عن أهل الهوى مخفيه
اشوف صورتك قدامي=واندم على يوم شفتك فيه
.
توفيق خليل الرفاعي
بالامس في عامنا الهجري=وفالغد نطلق عليه العام
نكبر وفينا الزمن يجري=الله يخارج من الايام
.
ماجد ابو مديده
ان كان كره العوازل غير=تقسى على القلب وتعله
اللي تعشمت فيه الخير=كرهني المجتمع كله
.
ماجد ابو مديده
درستني يا خليلي درس=ماأنساه مادامت اني حي
على الملأ بعتني بالبخس=وأنا اشتريتك بأغلى شي
.
جباره العروي
ما كان يخطر على بالي=وبعكس ما كنت متمنيه
ولكنت متصور الغالي=يقطع حبال الوسل بيديه
.
خالد ابو شعيب
خواطر الناس وش فيها=بين الملا تظهر الخافي
لما تعذرب محبيها=وتعكر المنبع الصافي
.
عبدالرحمن ابورقيبه
رسم البيانات ظاهر صح=وصفافها عاكس المرسوم
لو جيت اعيده باغي له طرح=اخشى يأثر عليه عموم
.
منيف عطيه
تحالف القلب مع طرفي=حتى اصبح الوضع ما ينطاق
كيف اطرد الهم عن حرفي=والود وسط الحشا حراق
.
بندر جباره العروي
أنظر معي في صفا الأحباب=يتنازعونه محبينه
وأعظم منه ضحكة المغتاب=ياحزن دمعة ربابينه
.
محمد عيد ابو غندر
ودعت قلبي ونور العين=لما عليها القدر لزم
ويبقى وداعه عليا دين=والرب في حالتي اعلم
.
ياسر الكبيدي
من عادتي كاتم الاجراح=واسعى خفا في طبايبها
واليوم من دمعي النضاح=بانت عليه سبايبها
.
جباره العروي
بعد الذي من مأسي شفت=بعكس الذي كنت متمنيه
خلاص انا عن غرامي عفت=واليوم اقبل عزايا فيه

[/poem]