ضايق وكن الكون فيني همومه ..

[بحـــر]

أحبتي .. أطرح بين أيديكم هذا النص متمنياً أن ينال إعجابكم :

[poem=font="Simplified Arabic,6,white,normal,normal" bkcolor="transparent" bkimage="backgrounds/26.gif" border="inset,6,white" type=0 line=0 align=center use=ex num="0,black""]
البارحه جالس وحالـي بحالـي=ضايق وكن الكون فيني همومه
من حر مابي يوم ذكـره طرالـي=فاضت عيونن ماعليها ملومه
وقمت آتوجد وجد منهو يصالـي=نارن وشبت بين خال وعمومه
تايه ما بين أمن وأبو والعيالـي=كلن يطالب دون ربعه عزومه
والا كما وجد الطريـد الموالـي=ومعزّبه ناوي على غزو قومه
ربعه نفوه .. وكرمـه بالحلالـي=لكنهـا نـار الحميـا تشومـه
ياوجد حالي وانت ياراس مالـي=كل الطرق صوبك علي محرومه
يوم الزمن عيا عليـك بوصالـي=من ضيقتي كن الحياه امعدومه
عيا معي يصفى وليتـه صفالـي=ماكان حالي مبتلي في سقومه
ولا غاب ليلن بالتواصيف بالـي=ويقوم عني تاركن لي هدومه
ادعي من المولى عظيم الجلالـي=يدرا على روحن خبرها كتومه
وأطلبك يارب البشر هيـد حالـي=واربط على قلبن توالت همومه

[/poem]