مداعبه شعريه بتاريخ 20-7-1424 لحن من الطائف والشام بيني وبين الاخ الكبير عايش الدميخي

[الريفي]

هذه المداعبه الشعريه دارت بيني وبين الاخ الكبير الشاعر عايش الدميخي شافاه الله وعافاه من كل مكروه ودار اللحن بتاريخ 20 - 7- 1424هـ وكنت اراسله عبر الجوال من مدينة الطائف وكان ابوطلال متواجد بالزبداني بمدينة دمشق


=[poem=font="Simplified Arabic,6,#000000,bold,normal" bkcolor="#D3EFF0" bkimage="" border="double,6,#400000" type=0 line=0 align=center use=ex num="0,#400000"]
=مـحـمــد الـريـفــي
مشمش حماه انعتوني فيـه = عـلاج للقلـب والصمـام
جبلي منّه ياجنـاب البيـه = لاجيت مقدم من ارض الشام

=عـايــش الدمـيـخـي
ماني مجربّ لمـا تطريـه = رغــم المعـانـاه والألام
واللي وصف لك دوا وصيّه = يحضّره او يأخـذك الـزام

=محمدالريفي
اللي علاجي مابيـن ايديـه = بديـار فيهـا مقيـم أيـام
ماشوف فالأمـر مايعفيـه = مادام فـي موقعـه ينسـام

=عـايــش الدمـيـخـي
من لاسعى للـدوا برجليـه = ويخضع لكشف الطبيب العام
نقل الـدوا لـه مايشفيـه = ماتطلبه مانْْصنـع برشـام

=محمد الريفي
قرار تشخيصنـا ممضيـه = دكتـور ومختّمـه بأختـام
وانت عليك الطلـب لبيـه = تكسب أجر فالـذي منضـام

=عـايــش الدمـيـخـي
من يأخـذ العلـم ويوديـه = للـي نعـدّه مـن الارحـام
من يفقد الشـي مايعطيـه = لو قال مااقدر ترى مايـلام

=مـحـمــد الـريـفــي
اللي قـرا الـورد لاتّقريه = وانت رجل فالفهـم مقـدام
مطلوبنا في غصون التيه = انتاج طرحـه مـدار العـام

=عـايــش الدمـيـخـي
التيه مانـي لكـم مهديـه = ومثلي مايهدي عليك هيـام
والان شوري عليـك ألقيـه = لاتتعـب الـروح بالأوهـام

=مـحـمــد الـريـفــي
حنّا مانعنـي الـذي تعنيـه = التيـه متقسّـم لأقـسـام
وطيب الثمر حلله منشيـه = ولاحرّمـه نـص فالاسـلام

=عـايــش الدمـيـخـي
عيا على علاجكـم راعيـه = ويعد نقلـه خطـا واجـرام
لكـن إذا جيـت متنصيه = لك واجب الضيف والاكـرام

=مـحـمــد الـريـفــي
صاحبك مرضـان مايمديـه = مايقلـه الحيـل والاقــدام
ولاني معك فالـذي تبديـه = جلب الهديه شرف ووسـام

=عـايــش الدمـيـخـي
خلاص هذا الجـدل بأنهيـه = وأصدر لكم أخـر الاحكـام
دواك لو بالذهـب نشريـه = لكـن عيـوا علـيـه ازلام

= وياصحابـنـا سامحـونـا
[/poem]