[poem=font="Simplified Arabic,6,black,bold,italic" bkcolor="Yellow" bkimage="" border="double,4,black" type=0 line=0 align=center use=ex num="0,black"]
ابوعماد
لاتسيبني يا ابوهاني = أجيبها حساب واودي
اشوف في كشوفها ماني = معاي ولا على حدي
خليل
معاك واجهّز الحاني = وابغاك لكشوفها تبدّي
حتى لها تضبط اوزاني = وتشوف من بعدها ردي
ابوعماد
جيتك بالامثال بالعاني = مخصوص ماجيت متعدي
لايضيع من قبله الثاني = واخاف لاصفق عليه يدي
خليل
حركت للقيل اشجاني = واعلنت في بدايته مدي
ولاني إذا جيت متواني = ان كان في دائرة عدي
ابوعماد
اعرفك لو كان بإمكاني = مابيح لإهل الهوى سدي
أنيس قلبي ووجداني = في مركزه سار متحدي
خليل
مهما يجي منه ونعاني = الود يبقى امر ودي
حكمه وخذها على لساني = اللي انكتب لازم يعدي
ابوعماد
ماني بالاشواق وحداني = قلوب ما اعيشها وحدي
اليوم اخر خبر جاني = الآه ولا مع سعدي
خليل
عميد يفخر به كياني = اشقيت مثلك معه لدي
وبين الأمل فيه وإيماني = حطيت يدي على خدي[/poem]

،
طبعاً ( حطيت يدي على خدي ) منتظر النتيجة0000و الحمد لله على الفوز والف مبروك يابوعماد ولكل عشاق العميد