رثاء الشيخ معتاد بن مبارك المشعلى

[المعلم]

[poem=font="Simplified Arabic,5,darkblue,bold,normal" bkcolor="indigo" bkimage="backgrounds/16.gif" border="double,7,gray" type=0 line=0 align=center use=ex num="0,black""]
من راح مرواحه يالاحباب ماعاد.=طريق ممشي والخلايق تروده
ياناشدى ويش الخبر(مات معتاد)=راع المكارم والأرامل شهوده
الضيف في داره على طيّب الزاد=شيمة وقيمة ورثته من جدوده
في مجلسه مايوم تشعر بالانكاد=.سديد رايه مايضبّع عهوده
ياديرة تبكي على فقد الاجواد=فالبيت والمسجد مواضع سجوده
وهذا الطريق الي مروره له اعتاد=وجبال حوله يوم قوة عضوده
المدرسه فيها كهارب وعداد=والماء لها يجلب بعيدة عدوده
مدارس إيناث وأخرى للاولاد=يبذل لجل ربعة أقاصي جهوده
بين العرب للمرجلة دوم رواد=شبيه أبو عايد ومن فاد فوده
يالله يامن ثبّت الأرض باوتاد= ولا حاط مخلوق بواسع مدوده
يوم الصحف تنشر على روس الأشهاد=بيض وجوه البعض والبعض سوده
ضيفك على هدي النبي عنه ماحاد=والشرع ماضيّع فيوم بنوده
اجعل له الفردوس مأوى وميراد= وعليه قبره لاتضيق لحوده
والختم صلوا يامحبين واحفاد=على نبي فالملا بان زوده
[/poem]
رحمه الله برحمته التي وسعت كل شيء
وأسكنه فسيح جناته