[poem=font="Simplified Arabic,6,#B00B82,bold,italic" bkcolor="#831751" bkimage="images/toolbox/backgrounds/26.gif" border="groove,4,#FF0092" type=1 line=0 align=center use=ex num="0,#400000"]

ياللي عطيتك كل ماملـك وشاريـك =وانته تعرف انـه بقلبـي مكانـك


لاتقعـد تـزود علـيـه تغلـيـك =لابـوك لابومـن ترجـا حنـانـك


لابوزمانن فيه قلـت انـي اغليـك= كله سبايب زلـة(ن) مـن لسانـك


ارحل عقب ماصار يازين ناسيـك= ارحل فمـان الله واغنـم زمانـك


ماعاد ابي شوفك ولا اسمع بطاريك =خلاص عفتك روح وانته وشانـك


عقب امتحنتك روح ماعاد يمديـك =الظاهر انك راسب(ن) في امتحانك


ياكثر ماشفتـك وياكثـر مااجيـك =ابيـك تشعربـي ويشعـر كيانـك


لكن حسافه روحت ذي مـع ذيـك =وطنشت قلبي يوم حبـك وصانـك


ان كان في قلبك عشيق(ن) مهاويك =الله يهنيكـم وتسـمـع بـذانـك


قبل امس تنخاني وتشكي بلاويـك =واليوم خنت القلب والحـظ خانـك


ياما تحملت القسا لاجـل اراضيـك= وياما رضيت اذل كل عشانـك


والحيـن يالله لاتغلـى ولا ابيـك= لابوك لابـو مـن ترجـا حنانـك[/poem]