لا ونشتكي بالحللي والبللي

[بشير]

كنت معزوم في مناسبة وجلست جنب انسان عزيز وغالي وبعد التحيات والاخذ والرد لقيت الرجال مهموم وعزمني على شبكة بنته الله يوفقهم وشرحلي عن الكرنفال والحفلة والبهرجة والفشخره اللي تبغى تصير فالشبكه بس وقام يفضفض ويلطم عن غلاء الاسعار والمعيشة الصعبة و و و وكيف انو اشترى سياره جديده وباعها بخصاره عشان الهيلمان
قلتلو طيب ليه كدا الغشنه دي مال ام امينها داعي قال كيف انت تبغى الناس تأكل وشي وتقول نتن جلده وما يحب بنته وامها تقول يعني بنت عمت جارة خالتها احسن منها قلتللو وبعد فترة حتسووا ملكه وكمان يبغالها مصاريف قال اخذ قرض من البنك قلتلو طيب والزواز قال لا عليهم وكأنو يتكلم عن اعداءه وشمتان فيهم وقال بس انا عليا اشياء بصيطه واتسلف حقها من شرواك بس قلبي انقبط قلتللو طيب كيف حتسددها قال ياشيخ لا تدقق الناس لبعض قلتلو متى الزواز قال العطله الكبيره قلتللو يمكن انا مسافر مدري عندي عمل مدري عندي ضيوف مدري معزوم
سألته عن العريس قال توه متعين وراتبه على قده بس نبغى نستر البنت قلتلو طيب ليه ما تساعده ما ينساها منك ويكرم بنتك بدل ما تصرف الفلوس فالهوا شبكه ومبكه اعطيه مبلغ ولا ساعده في اثاث الشقه او ايجارها
قال اشلي فيه هوه يتصرف بعدين دنق عليا وقال ترى لو تبغى بنتي الثانيه لولدك خذها بكرتتها قلتلو فعقلي اللي هذا مبدأك مع الأول كيف حتسوي مع الثاني ياخيخه
ياناس خلونا نجرب البصاطه البصاطه نتعشى جبني وزيتون ونتغدا بطاطا
امور كثيره فحياتنا نقدر بالعقل والحكمة والحنكه والخوف من الله نتخلص من هموها والله مصاريف الشبكه والملكة والهداره تزوز عريسين وابوهم