السلام عليكم ورحمة الله وبركاته

احبتي هنا اعود لكم من جديد بهذه المتواضعه اللتي آمل ان تعجب ذائقتكم
وان تنال ولو على القليل من رضاكم
[poet font="Simplified Arabic,4,black,normal,normal" bkcolor="transparent" bkimage="backgrounds/13.gif" border="groove,4,gray" type=2 line=200% align=center use=ex length=0 char="" num="0,black" filter=""]
على بابك
على طاري غرام صار يجمع بالوصال اثنين= مشيت وماصحيت الا وانا واقف على بابك
على طول الطريق اللي مشيته بين بعد وبين=افكر في كبر شوقٍ يساوي نزعة غيابك
وقبل لااطق بابك قلت في نفسي: اجي بعدين=واخذت وقلت: ياقلبي تعال نفرح احبابك
انا للحين واقف بس ابي لاجات عين بعين=امانه لاتبكي عيني بقولتك وش جابك
ابيك ان شفتني واقف على بابك تقول: اهلييين= ابيك ان شافتك عيني تجيني واتهنابك
ابيك تحطني بعد اللقاء بعيونك الثنتين= ابيك ان جيت اسافر عنك الاقي سجني اهدابك
تشوف شلون بالي قبل اشوفك راح منك لوين=قبل لا افكر بشوفك اخاف تهاجر اسرابك
انا طفلٍ فطم نفسه قبل سن الفطام يحين=كسر لعيونك العابه وجاء يركض وراء العابك
تمسك في عباة امه وينظر للحضور بلين=ويوم انه لمح زولك رمى نفسه على ثيابك
كتبتك شعر لاوالله عجزت اكتب معك بيتين=انا قبل اكتبك بالشعر احسب بقلبي حسابك
انا وشلون ازينك بقصيده وانت كل الزين=انا اصلاً يوم اقول الشعر فيك ابغاه يزهابك
انا مابيك تسمع بي كلامٍ قاله الواشين=لاني مارضيت اسمع كلامٍ كان يحكابك
وانا مابيك تهجرني تراني مااتبع المقفين=لأني لونسيت بيوم صعب انهيك وابدأ بك
ابيك العاشق اللي كنت احبه من ثمان سنين=ابيك العاشق اللي صار حبه داخلي شابك
ابيك العاشق اللي صرت احبه لين يوم الدين=ابيك تماري بحبي وتنثر حولي اطيابك
ابيك ان شفتني واقف على بابك تقول: اهليين= ابيك ان جيت وان ماجيت تنطرني على بابك
وسلامتكم
البعيد
[/poet]