سؤال لأسير الغرام من السينات .. لحن متكامل

[أسير الغرام]

هذا لحن .. ناتج سؤال من أخي السينات

[poem=font=",6,white,bold,normal" bkcolor="green" bkimage="" border="double,5,darkred" type=0 line=0 align=center use=ex num="0,black""]
السينات=
خابرك راعي فكر لماح= تعرف خفي الحرف وتْبينه
وش يعدل العَوْد لنُّه طاح= يرجع كما كان في سنينه
اسير الغرام=
العَوْد نسمع عليه نياح= طاح وتوالت سكاكينه
لكن يفيده عزم وكفاح=في نهضته من مودينه
السينات=
يا ما سمعنا صدى صداح=في هجدة الليل يا زينه
تهفوا عليه القلوب صحاح = وتجاوبه في ميادينه
اسير الغرام=
هذاك في شبته يا صاح=تطرب له قلوب لافينه
واليوم شيّب وحاله شاح= كل المودين باكينه
السينات=
القيل عن موضعه ما زاح=شامخ وترجح موازينه
لكن نبي مكمن الاجراح=اللي اعترت عَوْدنا تهينه
اسير الغرام=
البعض سبب له الأتراح=بغرور بانت طواعينه
وطبع الأنا صوبه بارماح=ولا احترم له قوانينه
السينات=
وش رايك (فْ) مبضع الجرَّاح= لو حاول اليوم تقنينه
يقدر يعيدُه كما اللي راح؟=واللا خلاص انتهى حينه؟
اسير الغرام المردود الاخير=
اليأس باب الامل ما اجتاح=لازال في قلوب مغلينه
ولمبضع اهل العقول الحاح=يقضي على كل ما يشينه
يبلج سواد الظلام اصباح=بعودة اللي مجافينه
ولابد تأتي له الافراح= من اهله اتَّحايا شراينه
يرجع لنا بزُهرته وضَّاح= تقداه اُلْفة ربابينه
ويعود نهجه عذي نضَّاح =بالود في ملتقى يزينه
[/poem]