ملحــــــــــــــــــــــــمـــــــــــــــه
لشاعرنا المبدع دائما
ابوفيــــــــــــــــــــــــاض
عن حال الامه ورؤيته لما الت اليه احوالنا
(سجلت اسمك مع المختار)


[poem=font="Simplified Arabic,6,white,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/21.gif" border="ridge,7,orange" type=0 line=0 align=center use=ex num="0,black"]


قصة بطل والعجب شفناه= مع غرب متدبذب المعيار
ماهمنا الحكم من امضاه =ومين الذي حرك الاحجار
ننظر لمستقبل ويتلاه = ذل ومهانه ووصمة عار
لو الحكم عمموه قضاه=شامل على الظلم والفجار
فالشرق والغرب طبقناه=في كل منه ظلم او جار
قلنا عدالة حكم نرضاه= ولا حي يبدي عليه انكار
لكنه العدل طاح ارشاه= طُبق لصالح مصالح ضار
وفق المصالح لما يهواه=الغرب سوى حجج واعذار
بلير ينعق وصوته تاه= يمشي ورى بوش مايختار
وهيئة امم عكس مانبغاه= على العرب سيفها بتار
ماصوتوا يوم جونا غزاه= وراحت فلسطين للاشرار
هل حاكمو بوش في مأساه=عمت على كامل الامصار
ابوه فيما سبق وصاه= لما هجم هجمةالتتار
اوعد بدوله لمن خاواه= حين انتهى غير الاقرار
مليون الاطفال من يمناه= ماتوامابين الحمم وحصار
لوث بئة شرقنا وادناه =صار الثرى يشع بالاضرار
ومهندس غرير من جزاه؟=والمحصنه وقتلها باصرار
خصيمها العدل مانداه =لا زال عايش على السيجار
وغيره وغيره وشاهدناه=مخصوص حصرا علينا دار
حتى وصل ظلم ماننساه= فالعيد الاكبر مع الاسحار
توقيت مدروس بين طغاه= رافض وناقم وصفوة يار
ضحى بنا بوش مثل الشاه =مليار مسلم بلا استعبار
شوف الذي بادر وهناه= تعرف بان القتيل خيار
والله والله مايرضاه =من فيه للمرحمه مسعار
هان المشاعرومس الجاه=وحطم كيان االعرب خمار
فالقدس فافغان عاصرناه=باسم الصليب اعلن استنفار
جاب اليهود الذي اغراه= حلم الامل واستحل الدار
عاثوا فصحن القصورعراه= قتل نهب واتلف الاثار
وجيش الصدروالبدر مناه=صفى البلد صادر الافكار
فكك مصانع وجيش انهاه=والنفط صودر بدون اسعار
لاتقول حنا السبب جبناه= تراه واصل بدون انذار
واصل ولو كان هادناه=المساله حقد واستعمار
المسلم يهان في ماواه= ولا قاوم يقال ذا غدار
يوصف بالارهاب لاسماه= وشارون صنف من الاخيار
يقتل يجرف يسم اعداه=يجتاح دوله يهد ديار
مسموح في عرف من والاه= عده دفاعا عن الاسوار
صدام فيه القهر ذقناه= رغم ان موته قضى واقدار
وذل المشاعر تجرعناه= في كاس صبه صبر صبار
ومخطط الكفر في مغزاه=خلوه عبره للناس كثار
معلوم كان الهدف فحواه=لمن يرفع الراس فالاقطار
زعيم الارهاب من يعصاه= ينقاد للمشنقه مايجار
ولو كلنا جد قاومناه=مايواصل الظلم باستهار
مس الكرامه وسايرناه=ونظن فيه العداله تشار
ماسور سُلِم لمن ناواه=ماجابه الرخم باستقدار
في ظل ماجور خان حماه= حاكم ومحتله الجزار
جابه على مجنزره عداه= تابع تحت جيشه الجرار
ماكان يقدر يمد خطاه= يرجف من االخوف ليل نهار
لاهوعلى ماسبق خلاه= ولا صار في كفةالاحرار
راح العراق انتهى ممداه=لاامن حصل ولا استقرار
صدام جاه الذي كفاه=لكن ثبت طود ماينهار
مثل الجبل ربنا قواه = قال الشهاده علن وجهار
حديث واضح حسب معناه= من قالها فجنة الابرار
حطم عدوه ولا ترجاه=ولا شفى من غليله نار
مشهد ولا قد تصورناه= لو مارايناه بالابصار
ماهزه الموت ماوطاه=سُجِل تاريخه مع المختار
من قبل واستشهدوا ابناه= بمواجه الدم سال انهار
اهب من بعد ماكرهناه=مضرب مثل للشجاعه صار
غصبا علينا وحبيناه=لجله كسر شيمة الكفار



[/poem]