[poem=font="Simplified Arabic,6,white,bold,normal" bkcolor="sienna" bkimage="" border="outset,4,chocolate" type=0 line=0 align=center use=ex num="0,black"]
البارحه عيت تغمض عيوني=والقلب كنه فوق صالي اللواهيب
من حر مابي قمت أجر اللحوني=وأقنب كما يقنب على رجمه الذيب
(من ربعة ما كنهم يعرفوني)=ماكننا أصحاب كنا أجانيب
إن كان جالي لازم سيبوني=وتوخروا عني بليا تسابيب
وكم مرة تواعدوا وأخلفوني=قصرت إيديهم ما أرسلوا لي مناديب
لاوين أقدرهم ولا حشموني=لاوين أجازيهم على الخبث بالطيب
ياللأسف يا نفس خابت ظنوني=لكننا يا نفس مانعلم الغيب
واليوم أنا يوم إنهم وخروني=عز الفتي يا نفس راس المطاليب
تجنبي يوم إنهم جنبوني=وإن كان راحوا شرق روحي لتغريب
وصلوا عدد ما هل وبل المزوني=على النبي اللي منزه عن العيب[/poem]