[poem=font="Simplified Arabic,6,darkred,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/49.gif" border="none,4," type=2 line=0 align=center use=ex num="0,black"]

روعتني فيـك دورات الليالـي = والليالي حالهـن حـالِ عجيـب
كنت اعدك من وفيين الرجالـي =لا تبوق ولا تخـون ولا تخيـب
لين طاح الستر من دون الخمالي =وانكشف فيك الخنا قبل المشيـب
آآآه ليت العمر من رجواك خالي =ليت رجلي ما مشت ذاك الشعيـب
آآآه ياحرٍ على روس الطوالـي =كيف عقب النايفه طحـت بْقليـب
انحدرت بعين من سمّاك غالـي =لين ما تسـوى مناداتـك حبيـب
كم نشدني عنك من يخفاه حالـي =قلت طيب وزايدٍ بالوقـت طيـب
وانت مثل الحنظله تشرب زلالي =والثمرمرٍ مع الغصـن الرطيـب
كم سقيتك من هواي ومن دلالي =كم عطيتك واثر مـا شـيٍ يثيـب
الليالي حسبـي الله ياااااليالـي =روعتنـي فيـك يالقـرم النجيـب
مادرت قلبٍ صلاه الله بْصالـي =متعبٍ من عاثر الدرب الصعيـب
يوم شافك بالظما حس الظلالـي =واثر له بحماك سجنٍ مـن لهيـب
حالته تشدى خلوجٍ فـي عْقالـي =يوم حايرها غـدى دمـه صبيـب
يوم لجّت وانثنت بيـن الحبالـي =نوّخوهـا بيـن حنّـات ونحيـب
كان لي حبٍ جلا والهم جالـي =والبواقي بعض ذكرى مـا تغيـب


(شعر: وحيدة السعودية)[/poem]