قصيدة الشاعر صالح محسن الجهني

[أبو رامي]

اللقاء الذي جمع الشاعر العميد ركن طيار صالح محسن الجهني مع أفراد قبيلته حبيش مساء الثلاثاء الماضي في قصر أماسي للأفراح بينبع تحول إلى أمسية أدبية ارتجل فيها شاعرنا الكبير قصيدة عصماء عبر فيها عن فرحته بلقاء أفراد جماعته وشكره لأصحاب الفضل ممن يستحقون الشكر وخص بالذكر رجل البر والإحسان
الشيخ صالح سليمان الفايدي
وقد كانت زيارة شاعرنا الكبير سريعة وخاطفة لم تتح لنا فرصة الالتقاء به والجلوس إليه والاستمتاع بحديثه إلا أن قصيدته قد ذاع صيتها وتردد صداها وعكست ما تحمله نفس هذا الشاعر الفنان من همة عالية وأخلاق كريمة
وإليكم القصيدة

[frame="1 80"][poem=font="Arial,6,#000000,bold,normal" bkcolor="" bkimage="images/toolbox/backgrounds/12.gif" border="outset,4,#400000" type=2 line=0 align=center use=ex num="0,#400000"]
يا زاير المسجد ونفحات الإيمان=من ارض طيبة طيّب الله ثراها
صلي على خير البشر نسل عدنان=الهادي اللي خير أمه هداها
وأليا رجيت ارجي من الله رحمان=ربٍ فطر سبع السماء واعتلاها
ربٍ كريم ٍ خالق الكون بأتقان=فضايله للخلق محدن حصاها
يعطيك من جوده وفضله والإحسان=ما تشتهي نفسك ويرفع بلاها
ومهما الحياة اتشوف فيها من ألوان=متخالفه والسود تغشى حلاها
نوره ضياء للروح ويزيح الأحزان=للي يصون النفس عمّا نهاها
ويا حافظ الآيات والخير قرآن=عمّ السلام أصحاب وأحباب طاها
بعد الزيارة يصبح القلب فرحان=لا شك نفسك قد تحقق مناها
ثم زور ربعك والقرايب والأخوان=زور الرجال اللي يسرّك نباها
اللي لهم في منقع الطيب عنوان=معروف لرجال ٍ كرام ٍ لحاها
وأليا لفيت الجود صالح سليمان=لفيت من زادك بجوده وجاها
كريم فايد والفوايد لهم شأن=عظيم بجهينة ونايد سناها
مثل المطر هتان في ساق هتان=لا مرّ ديره زوّد الله نداها
مواقفه بيضاء وذربين الايمان=دايم مواقفهم على مستواها
للحمل شيّاله وللحق ميزان=وأفضالهم فالكون محدن نساها
يجزاهم الرحمان من دون نقصان=الخير يوم النفس تلقى جزاها
والصبر شيمة من على ظهرها كان=يرسي كما ترسي رواسي صفاها
تنصك بيبان ٍ وتنفك بيبان=على كذا الدنيا إلى منتهاها
وما دامه الإنسان في عون الإنسان=دنياه لا يمكن يحس بشقاها
يمرّ فيها مرور مسّرع وعجلان=مثل الصباح اللي يدوّر مساها
أقولها من ربع للطيب برهان=ربعي حبيش اللي عظيم ٍ وفاها
تقدير والتقدير لقلوبنا زان=ويزين في نفسي ونفسي رضاها
العذر لو تقصير مني لكم بان=والعاقبة بعدين يسّمع صداها
وصلوا على المبعوث للأنس والجان=ونفسي عسى للخير يا الله عساها[/poem][/frame]

الشاعر العميد ركن طيار صالح محسن الحبيشي الجهني