[poet font="Simplified Arabic,5,white,bold,normal" bkcolor="firebrick" bkimage="" border="ridge,8,burlywood" type=2 line=200% align=center use=ex length=0 char="" num="0,black" filter=""]


ننقل لكم من مجلس ابو فياض هذه المحاورة
16/8/ 1426


ابـــوفـــيـــاض وعـيـسـى حــامــد
الحـظ بوجودكـم جـانـا=فرصه افضفض مع الاخوان
من حـس مكنـون عنانـا=وزادت حموله عن الامكان
ابـــــوفـــــوازونـاصـر المـحـيـاوي
وجودكـم غايـة منـانـا=يامن لكم فالحشـا مسكـان
نحكم على الوضـع لابانـا=وتاخذ اجابه على البرهـان
ابـــوفـــيـــاض وعـــيـــســــى
لوقلت مانـي عليـل انـا=معلول من علـة السقمـان
من حالـه الحـال اسانـا=مالقيت له حل حتـى الان
ابـــــوفـــــوازونـــــاصـــــر
الـلـي مبكـيـك بكـانـا=والكل من حالتـه زعـلان
ومادمـت قـادر وسلطانـا=اسعى على معالج المرضان
ابـــوفـــيـــاض وعـــيـــســــى
صدق علـى نـار خلانـا=واصبحت من حالته تعبـان
طرقت الابـواب مامدانـا=نعرف سبب علة الانسـان
ابـــــوفـــــوازونـــــاصـــــر
ضاعف جهودك اذا حانـا=وقت الفرج للعيـون يبـان
ومنته على الجهد خسرانـا=في كل الاحوال مهما كـان
ابـــوفـــيـــاض وعـــيـــســــى
انـا ومـن كـان فحدانـا=وربعي معي وكامل الجيران
نسعـى ولــلان بلـوانـا=في سر خافي عن الاعيـان
ابـــــوفـــــوازونـــــاصـــــر
مالـوم ربعـك والاخوانـا=حتى الحجر لوشعر بك لان
يجوز من كـان مرضانـا=به لبس حاصل من الشيطان
ابـــوفـــيـــاض وعـــيــــســــى
صبري وجهـدي ومسعانـا=ترجح بهم كفـة الميـزان
كيف التقـي حـل شكوانـا=مابين جن العرب والجـان
ابـــــوفـــــوازونـــــاصـــــر
هي اسمع الحكم بامضانـا=وموقعينـه ولـه عـنـوان
الله على الصبـر وصانـا=حتى الامر ينقضي له شـان




وانكسر اللحن
[/poet]