لغز غزلي إسلامي ، تكفون يارجال تحلونه

[ناصر الصواب]

[ALIGN=CENTER]الأعضاء الكرام :

السلام عليكم ورحمة الله وبركاته :

كل عامٍ وأنتم بخير ، وأعاده الله علينا وعليكم بالخير والبركات ،


من عاصمتنا الحبيبة ، إلى ينبع الخير العزيزة ،


أحببت أن أصافحكم بهذا اللغز ، الذي أتمنى من الله العلي القدير


أن ينال إعجاب وتفاعل الجميع ، واللغز غزلي إسلامي كم هو موضح أدناده


بصراحة هو لغزٌ طويل جداً جداً جداً ، ولكن مفصّل تفصيلاً جيداً




وأعتقد أنه لا يحتاج تفصيل من أكثر مما هو مفصّل أدناه ،


على العموم أنتظر تفاعل الجميع ، إليكم اللغز :[/ALIGN]


[poet font="Simplified Arabic,4,burlywood,normal,normal" bkcolor="black" bkimage="" border="groove,4,white" type=0 line=200% align=center use=ex length=0 char="" num="0,black" filter=""]
أظن ما فالحب عيبٍ ولا عار=ولا يلام محب في حب غاليه
كلٍ تغنى في حبيبه بالأشعار=وأنا أتغنى في حبيبي وأحييه
يامرحباً بالصاحب الغالي المار=اللي يمر ويسعدني لياليه
كم عاشقٍ غنى على غير معيار=بالغ وجامل صاحبه في تغنيه
كبّر محاسن صاحبه لو هي صغار=وبحكم عاطفته تجاهل مساويه
وأنا حبيبي دون عطفه تستار=الخير كله فيه والسوء ما فيه
أوفى من الوافين هو خير الأخيار=فيه الكرم والجودبأسمى معانيه
يمرني لامر وحمولي كبار=ويحطهن عني بتدبير واليه
وإن قمت له بالواجب وواجبه جار=عسى مقامي يرضي الله ويرضيه
الله يقوي حبنا طول الأعمار=حبٍ على وضح النقا لا رياء فيه
ليته يجيني فالسنة عدة أمرار=ولو طول الغيبات ماني بناسيه
مضمون يرجع لي بأمر وال الأقدار=لكن أنا ماني بمضمون الاقيه
وإن ما لقاني لارجع عقب الأسفار=ما هو بباكيني وأنا لازم أبكيه
وأهل الهوى من طبعهم حفظ الأسرار=ومن شان حفظ السر ماني مسميه
إلا برمزٍ بيّنٍ لأهل الأفكار=واسمه رموزه يكشفن عن معانيه
للي لهم بالعلم مورد ومصدار=علم القواعد فاهمين(ن) مباديه
اسمه خماسي تسمعونه بتكرار=ولا في بني عمٍ سميٍ يساميه
ثلاثة أخماسه من النصف ويسار=سمى بهن راع المواشي مواشيه
وإن حذف ثاني حرف مع ثالثه صار=(الراء) لك مصدر وهو فعل ماضيه
والكلمة اللي في لغتنا لها أدوار=إذا حذفت آخر حروفه بثانيه
تسأل بها عن من جهلته إذا زار=أداة شرطٍ فعلها جزم فعليه
وفي جملة الموصول ما فوقه غبار=هذه حروفه نص من غير تشبييه
ترى حبيبي تعرفه كل الأقطار=أحدٍ يرحبه وأحد ما يدانيه
من هو حبيبي يا بعيدين الأنظار=ياللي تعرفون الطريق بمواريه
أنصح وأشير بعشرته وأنتم أحرار=وأنصح بطاعة ربه اللي مزكيه
قدامنا جنة وقدامنا نار=وقدامنا قبرٍ كبارٍ بلاويه
وقدامنا يومٍ عسيرٍ للأشرار=سهلٍ على من سهّل الله مساعيه
ما به وسيط و لايفيد(ن) الأعذار= تشهد على الإنسان رجليه ويديه
يا الله يا غفار يا نافعٍ ضار=تغفر لنا ما تعلمه لو نخفيه
تعلم دبيب الذر في صم الأحجار=الخلق خلقك وإنت ربه وباريه
تمت وصل الله على سيد الأبرار=و لايلام محب في حب غاليه
[/poet]
[ALIGN=CENTER]يا جماعة الخير :


اللغز والله واضح جداً ،


تكفون يارجال تحلونه ،،،،،

ذهب
من
هنا
وهو ينتظر إجابات الأعضاء

الكرام على هذا اللغز[/ALIGN]