[poem=font="simplified arabic,6,white,bold,italic" bkcolor="darkred" bkimage="" border="inset,8,chocolate" type=0 line=0 align=center use=ex num="0,black""]
الحربيه=
من فيه يبغى لحن يلعب = حتى اقله عن الامثال
اللى لظاها جمر يلهب = ومسببتلي اسى واشكال
البندر=
لما المعاني لها اطرب=مردودنا يكون بالمكيال
ومادمت كابتن على الملعب=هات الذى فالخواطر جال
الحربيه=
انا وحشني ضفاف الحب=شهرين وانا في اسوا حال
كل مانقضى غلب عود غلب=غير العنا وانشغال البال
البندر=
ماني من الشوق مستغرب=الشوق ضيع كثير ابطال
والغلب لابد تتغلب=عليه مهما انينه طال
الحربيه=
العلم لاهل العقل مطلب = وبالعلم تتعدل الاحوال
لكني كل يوم اتعذب = ياحروف والله الحمول ثقال
البندر=
العلم ماهو محال وصعب=معروف انت من العُقال
بمثابره تبلغ المأرب=مهما تكون الحمول جبال
الحربيه=
كل ما اشوف الامل قرب = ظروفنا تبعده اميال
صبرت حتى الصبر غرب = غير الذى فالحشا لازال
البندر=
مثلي فالاحكام ما يُغلب=اقيمه العدل لانه مال
واصب حكم القضيه صب=ماهو عبث بالدليل الدال
دور على الجانب الانسب=لايصيبك اليأس والاهمال
ولاتقول عني الامل جنب=بالجد تتحقق الامال
ويصحابنا سمحونا=
8/5/1434هــ =[/poem]