أيام يرسل ندى وايام نايبها

[عبد الإله]

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
[poem=font="Simplified Arabic,5,#110AA9,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
[poem=font="Simplified Arabic,5,#0D18DB,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ماني من اللي يعيب ويذكر الزله= ادمـح خطـا رفقتـي وادفـن معايبهـــا
واسبر طريقي قبل مامشيه وادلـه = يغينـي عن نايــد الخطــوات صايبهـا
واليوم نفسـي جـزت وفليلهـا كـله =هاجوس مقفـي بها وهاجـوس جايبهـا
قامت تذكـر زمـان فات وتفلــــه =وتعيــد وقتـه ولا ادري وش طلايبهــا
دنيـا تغيــر بها المفهـوم عـن حلـه= قفت وسـاوى عقيــد القـــوم خايبهــا
صارت تهزع ومعها سيوف منسله= واحتـار فيهــا حكيم الناس شايبهـــا
وانا من اللي يعَـقد الحبل ويحله= واصيب بالراي لاشتدت نوايبها
أعرف طريق الجمايل وين وادله= وابعد عن الخايبه ماني بغايبها
واشوم نفسي وشبه اللاش في مله= تذرا عليــه السفايف من هبايبهــا
ماهمني لو بدا كل يوم في طله= أيـــام يرســـل ندى وايام نايبها
يبقى ويشقى على ماكان ماضٍ له= والنار تاكل بعَـضها من لهايبها[/poem][/poem] [/poem]