محاورة قديمة بين الشاعرين محمد بن عطية السميري الجهني ومحمد بن شريّف الجبرتي السلمي

[الشاعر]

هذه المحاورة قديمة جداً جداً وجدتها بين أوراقي وأحببت أن أطلعكم عليها , وكنت قد سجلتها منذ زمن من شريط كاسيت قديم وغير واضح , وقد جرت في مدينة أملج بين الشاعرين الكبيرين محمد بن عطية السميري الجهني ومحمد بن شريّف الجبرتي السلمي . ..
.
.
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
السميري
الليلة الملعبة نبغى ندرّجها لياما تدير=مثل البناية على سيسانها تُبنى تراكيبها
الليلة الملعبة نبغى نطبّعها سواة البعير=مثل المطيّة عن العيلة تعدّلها مشاعيبها
الجبرتي
يا مرحبا بالعميل اللي يسيّر سَلمه اللي يسير=والطيّبة طيّبة ما تاتي الاّ من معازيبها
الليلة الجوهرة بطن البحر مير البحر مستدير=ان كان ما جبتها كلّم لنا رجّال ويجيبها
السميري
يا مرحبا بالعميل اللي لفانا من قصاة الضمير=ترحيبةٍ مثل ريح الورد والريحان من طيبها
ترحيبةٍ ليّنة وشْبابها مثل السلاح الشطير=حربة لِيا اهوى بها نقّالها سدّد مضاريبها
الجبرتي
الزين لو تنكحل به عين فتّح عينه اعمى بصير=والشين يعمي عيونٍ فتّحت والشين يعمي بها
السوق مبسوط للي يستعر برياله اللي يسير=ولاّ الفلوس الخفيفة ما يبي بالسوق يقضي بها
السميري
يا بن شريّف ترى هالليلة المسرى طويل وخطير=وسّع مواطيك لا ياتي زللها من مراكيبها
اَنته تبا الزود مير الزود تحصيله بعيد وعسير=ما كلّ منهو غزا دار العدا حصّل مكاسيبها
الجبرتي
انا تراني مدير الشعر كان الشعر جا له مدير=راضي بهذا الكلام الحرّ ولاّ منت راضي بها
يا بن عطية دخيلك لا تسيّر سايراً ما يسير=! ! ! ! ! ! ! ! ! ! ! ! !
السميري
الاجنبي في ديار القوم ما يعلم ولا هو بصير=تراك في غابة الديبان لا تاطا مخاليبها
امّا تصوّب من الساقين ولينّه كسيراً حسير= ولاّ هوى طاح وليا نفسه الشينة مضحّي بها
الجبرتي
حنّا هجمنا عليكم باِسم ربي واسم ربي كبير=واللي معه قوّةٍ منكم بعد جينا يلاقي بها
ليا اقبَلَت يا محمد بابها للناس سلك الحرير=وان كان قفّت عليكم ما قدرت تروح وتجيبها
السميري
اَنته تدُوْر المشاكل جيت من شِعبان مكة مغير=ليتك تعوّد براسك دون فايدةً تثنّي بها
اِتْحَسّب اهل امّلِج مرقوق ولاّ يالجبرتي فطير=أبشر بسمّ الكبود اللي تَحيّر فيه اطابيبها
الجبرتي
حنّا كسبنا الفوايد من بلدكم والقليّل كثير=واخذت منك الفلوس اللي لها مدّة تزوزيبها
ولاّ انت مثل انور السادات والسادات ما هو بصير=والعلة اللي معك ما جبت لك قرشاً يداوي بها
السميري
قالوا لي اجّرت صوتك وانكر الاصوات صوت الحمير=اِلعب بحكم الاجار وتدفع الاجرة معازيبها
والله ما بيع صوتي يالجبرتي لي برزقٍ حقير=رزقي على الله واللي خالق الارواح عاني بها
الجبرتي
من يوم هذي علومك يا محمد منت ليّه خشير=آثرْك هذي طبيعة فيك طول الوقت ضاري بها
ان كان ما تزرعون البُر حنّا ما نحب الشعير=هذي مثايل ضعيفة والضعيفة لا تغني بها
السميري
المنوخذ يا جماعة خير ما يسمع كلام النذير=لا تمهدون الحفيلة لين يلقاها ويقفي بها
الحُرّ لاشّرت له يفهم ويشهر في جناحه يطير=وابرق جناحين ما يفهمك ما تقدر تقرّي بها
الجبرتي
يامحمد اِلجم حصانك عن حصاني ليش ينفر نفير=مالك ومال العلوم اللي تسنّدها وتنحي بها
والله لاحوّس مريرك لين تسري حايساً بالمرير=حتى تكبّ الصلاه اللي بلا سنّة تصلّي بها
السميري
لقيت عقل الجبرتي يا جماعة مثل حاية مشير=بدون غاية ليا هبّت هبوب الريح تومي بها
..........................................
مع أرق التحايا
يوسف[/poem]

[أبو عماد]

وقائلة أمالك من جديد أقول لها القديم هو الجديد

ياسلام أخى يوسف زدنا زدنا من هذه التحف الجميلة تحياتى

[المعلم]

شكرا لك أخي الشاعر

[طلال سويعد]

الله على الاصاله والجوده والقيمه فيما طرحت اخي الشاعر شكرا لك ولك كل الود

[الشاعر]

الأديب / أبو عماد
إطلالتك جدا غالية على قلبي
الله يعطيك العافية
.............

الأستاذ / مبارك
ما شاء الله عليك كعادتك شعلة من التواصل
ألف شكر لك على مرورك
...............

الشاعر المبدع / نوار
نوّرت المشاركة يا غالي
وفقك الله

[إبراهيم المحياوي]

محاوره من روائع المحاورات يابويعقوب
تسلم على إتحافنا بها وإن سمحت لي سوف أنقلها لمنتديات أخرى
وعندي طلب إذاكانت عندك محاورة السميري وصياف نزلها لنا