كنت في زيارة خاصة للشاعر الكبير ( أبو ياسر ) محمد بن شحاد الحبيشي 000مع ( حامد وعبدالحميد عبدالعزيز القريشي) حيث كان أبو ياسر من أعز أصدقاء والدهم الراحل الشاعرالكبير عايد القريشي رحمه الله 00 وكذلك بحكم الجيرة كانوا يسألون عنه دائما 000كان الحديث ممتعا عن الكسرات القديمة والغبوات 000 ولا ننسى حسن ضيافة أبو ياسر وطيب أخلاقه 000ثم ذكر أبو ياسر أن هناك مراسلة بينه وبين الشاعر عوض الجهني رحمه الله حينما كان في جدة تقارب الأربعين سنة نسيها لكني وجدتها (والكلام لأبو ياسر ) في منتدى المجالس الينبعاوية في قسم الشعر الشعبي وضعت من قبل الأخ بدر عاشور منذ أشهر0000 وجدوها في أوراق الشاعر عوض رحمه الله بعد وفاته000 طلب مني أبو ياسر أن أنقلها في قسم الكسرة مع تنسيقها ومع الإعتذار للأخ بدر عاشور000

هذه مراسلة بين الشاعر عوض الله بن عوض الجهني رحمه الله
وبين الشاعر ( أبو ياسر ) محمد بن شحاد الحبيشي الجهني حفظه الله

[poem=font="Simplified Arabic,7,#000000,normal,normal" bkcolor="" bkimage="images/toolbox/backgrounds/12.gif" border="double,4,#400000" type=0 line=0 align=center use=ex num="0,#400000"]
عوض الله=
دعوة لها بينه ووثوق=قدمتها عند قاضيها
سوّى عليها حجز وطووق =وردها دون راعيها

محمد شحاد=
الحق من يطلبه ملحوق =دعواك جاري مجاريها
وليشرقت دعوتك بشروق =مافي قاضي يِخفّيها

عوض الله=
عيا معي يسمع المنطوق =عينه عن الحق يغضيها
سبب علينا الام تعوق =واحوال صعبه نعانيها

محمد شحاد =
ماتضيع للصادقين حقوق =لصار دلواه يدليها
تروي بها قلبك المحروق =وثمار دعواك تجنيها

عوض الله=
دعواي ماهي سلع بالسوق =حتى بالأموال نشريها
ركز معي فالمعاني وروق =حتى نتكاثف وننهيها


محمد شحاد =
الدعوة الثابته بعروق =وشهودها نور تضويها
مافي قاضي عليها يحوق =مهما تطوّل لياليها


عوض الله =
دعواي تبغى فزوع اللحوق =قدام لاتطير ترميها
أخاف تعلى عليّ فوق =تصعب عليّ مراقيها


محمد شحاد=
اللي في رسم المعاني يشوق =لوطالت الدرب يمشيها
حتى يصل حقه المسروق =والروح تبلغ آمانيها


عوض الله=
ياما سلكنا كثير طروق =لجروح نبغى نداويها
نلقى دواها أسى مسحوق =كل ماختفت يوم تحييها


محمد شحاد =
ياما حصل باس للمخلوق =حتى عيونه تِبكيها
لكن قلوب العرب صندوق =ماتعلم الناس وش فيها [/poem]