قصيدة شاعر الوطن(خلف بن هذال)لعام1423هــ

[ضمن السناني]

[poet font="Simplified Arabic,4,darkred,normal,normal" bkcolor="transparent" bkimage="backgrounds/13.gif" border="none,4,gray" type=2 line=200% align=center use=ex length=0 char="" num="0,black" filter=""]
سـلام الله سـلام الله سـلام الـخاطر iiالـممنون=عـلى الـلي شـرّف الـحفل الـكبير وتم تنظيمه
تـفيض أبيات شاعر من مشاعر شعري iiالموزون=وأمـيـز مـاثـبت بـالشرع تـحليله وتـحريمه
وأنـا وأنـا وأعـوذ مـن العنا لأهل الثنا iiمديون=سـعـوديٍ ظـفـر بـمعاهدة مـولاه iiوزعـيمه
يـعيش الـمهرجان ان مـاحتواه الجوهر iiالمكنون=تـراث أمـجاد وأرث أجـداد واضـحةٍ مـعاليمه
حـفلنا وبـرعاية مـن يـقود الـمركب iiالميمون=عـلى بـر الأمـان مـجملٍ شـكله iiوتـصميمه
فـهـد والله فـهد والله فـهد مـادون شـعبه دون=حـبيب الـشعب واصـل واصلٍ شعبه وأراحيمه
عـلى الـوالد على القايد سلام أربع طعش iiمليون=مـن الـشعب الـكريم أربع طعش مليون iiتسليمه
تـخص الـفهد فـرداً فرد من عاشق ومن iiمفتون=نـهيم بـحب مـن صـان الـبلاد وجـالها قيمه
غـرام رجـال فـيه رجـل السلام وللغرام iiفنون=تـجسد بـالفخر والـطيب والـناموس iiوالـشيمه
عـمرنا الأرض يـوم الله عـطا والمستحيل يكون=بـدينا بـالعمل بـاعلان ابـو فـيصل iiوتـعميمه
بـدا الـنهضة بـثروات البلد واستخدم iiالمخزون=وغـنا الـطير طـير الـخير واسـمعنا iiترانيمه
زرعـنا الـقمح وأصـناف النخل والتين iiولزيتون=وفـاح الـورد والـريحان وبـالغصن iiوبراعيمه
ولامـومن قـنط مـن رحـمة الله والحيا مضمون=ولايـصدق مـنجم لـو صـدق لـلناس iiتـنجيمه
لـيا شـفت الـسما تـدقل مثل شقح البكار iiمزون=تـحرى الـرجع وابـشر بـالحيا واتـبع iiمقاديمه
تـحت قـمرا قـمر مـاهل ضامر كنه iiالعرجون=بـزغ كـامل وهـذا هـو ولا بـالشوف تـعتيمة
مـلكنا الـحاكم الـعادل مـلكنا الـمؤمن المامون=مـلكنا الـلي عـلى بـذل العطا تصدر iiمراسيمه
مـلكنا الـداعي الـواعي مـلكنا الراعي iiالمظنون=ف ظـنـتنا لـيـا لـذنـابه الـحفنا iiبـأكاميمه
مـلـكنا ظـلـنا ويـظلنا صـيواننا iiالـمصيون=الايالله الايالله لا تــهــدم لــنـا iiخـيـمـه
مـلكنا الـلي يـفك اعن الرقاب ويطلق iiالمسجون=زعـيمٍ فـي قـلوب الـناس تـقديره iiوتـعظيمه
لـيا قـلنا مـلكنا لامـة الاسـلام عـز وعـون=أبـا الـنجدات والـفزعات والـدعمات iiتـدعيمه
نـدى الـكف لـو يـجمع بـكفه ما جمع iiقارون=عـطـاه الـمستحق ولا يـحسب فـي iiمـغاريمه
ولا أكـرم منه ولا أرحم منه بعد الله حجا iiوركون=ولا اسـرع منه في نصر الضعيف اليا شكا iiضيمه
ولا ابـتع مـنه فـي قمع الحريب ولا يقال iiظنون=حـقايق مـن رفـع راسـه على شامان iiتحجيمه
ولا امضى منه وامضى من شباة الماضي المسنون=الـيا عـدّو صـواريم الـزمان أصرم iiصواريمه
مـلكنا يـا مـلكنا لـلمروه فـيك طـبع iiولـون=تـحـلي بـالوفا وشـيمة الأخـيار إلـك iiشـيمة
جـميع الـمسلمين امـن الـمساجد يا فهد يدعون=دعـاهم يـا جـليل الـملك تـرعى فـهد iiوتديمه
نـصرك الله واذل عـداك وامـره بين كاف ونون=يـمـثل مـا يـريد بـزمرة الـشر iiوشـراذيمه
حـماك اللي حما موسى ضحى عاشور من iiفرعون=فـلق عـنه الـبحر وانـجاه مـن فضله iiوتكريمه
وأعـز الله عـضيدك عز عينك من وراك iiعيون=عـيـونٍ سـاهـره مـن يـمها مـابان iiتـثليمه
ولـي الـعهد فـي خدمتك يرخص غالي iiالمثمون=سـلم راع الـعقال الـلي تـرازم عـن iiمرازيمه
مـقر الـجود عـبدالله هـو المزبن هو iiالمزبون=مـزابن مـن شـكا الـحرمان والرمل iiومفاطيمه
الـيا قـلت مـواردهم عـلى عـد الروا iiيردون=مـعـينه مـرتـكي تـتبع مـناظيمه iiمـناظيمه
يـده بـكل لـطف وعطف تمسح دمعه iiالمحزون=يـفـرج كـربـته ويـقـوم بـاسعاده iiوتـنعيمه
ولا نـنسى فـضل سلطان وأهل الفضل ما ينسون=تـرك فـي لـوحة الـعرفان لـلمعروف iiتبصيمه
مـع الـشكر الـجزيل وقـاصدينه بـالثنا يثنون=جـمـيله يـبـعد الـهم الـمخيم عـن iiمـهاميمه
عـساكم يـا عـيال الـعود يا اسود الوغا iiتحيون=حـياةٍ طـيبة يـا حـزن مـن طـاحت iiمحازيمه
الا يـا عـيال مـن قـدم حـياته للوطن عربون=أخـذ جـرعة مـن الغربة وأخذ من نجد iiتطعيمه
يـحن ويـجتلد ويـعن مـعسوف ويـبل iiشـنون=نـوى عـقد الـلواء يا مطيب الراس iiوصماصيمه
عـلى سـرج وظـهر مهره وكور مقوسٍ iiمرسون=يـسوج ابـها الـبطان مـهجنٍ ريـمان من iiريمه
مـطا قـباً تـراقص بـالحوافر رقـصة iiالمزيون=لـيا طـب الـمزيّن مـن يـبا يـجرا iiبـتكليمه
سـرى مـسري السباع اللي تجاوب فالخلا iiبلحون=مـجاهيم الـذياب وقـبل مـا تـجهم iiمـجاهيمه
ابـو تـركي لـفا يـضحك حجاجه بالسعد مقرون=بـنى وحـده وحـدّد واكـتمل رسـمه iiوترسيمه
بـناها واحـتماها وارتـفع مـنها قـمم iiوحصون=مـلاذ الـضيف والـلاجي و مـن جتبه iiمقاسيمه
لـنا الـهيبة عـلى شبه الجزيرة من ثلاث iiقرون=سـلاطـينٍ تـشرّف صـفحة الـتاريخ iiومـقيمة
أهل صحوة واهل دعوة واهل نخوة عرب iiوظعون=واهـل مـنسب وسـيف وتـنشر العلم iiومفاهيمه
مـلوكٍ مـا يـهدمون الـقيم مـن طـبعهم iiيبنون=أيـاديـهم تـشـيّد مـنـبر الاســلام iiوتـقيمه
كـما تـرسي شـماريخ الـجبال مـلوكنا iiيرسون=لـيـا قـام الـخفيف يـرمي الـقش iiبـمهازيمه
لـيا عـادو عـدوا جـاه العذاب وصابه iiالطاعون=يـزوغ ومـن وحـمهم تـرجد الـحمى محاميمه
عـليهم مـن فـتح عـينه يذر ابها الدوا iiمسحون=يـعـوّد مـا يـشوف وصـفقة بـالوجه iiتـعليمه
وعـليهم مـن يـفتل شـاربه من قاعته iiمحسون=وكـم مـن شـاربٍ يـفتل وافاق وضاع iiتوهيمه
شـوارب مـا نـكرمها وشـارب بالشحم iiمدهون=لـيا اوعـدنا وفـينا والـوعد نـصدق بـتتميمه
نـدافع عـن عـقيدتنا ومـن هـذا المكان iiنمون=مـلازيـم الـرجـال وكـل رجـلٍفي iiمـلازيمه
شـريعتنا هـي الـدستور مـا بـدل بـها iiقانون=لـنا مـنهج حـياه وعـصمة الـمسلم iiوتـحشيمه
نـدافع عـن كـرامتنا ومن يرضى الهوان iiيهون=يـموت بـذل مـن عـقب الـمهانة موتة iiبهيمه
نـدافع عـن وطـنا والـوطن بـارقابنا iiمرهون=ولـو نـفنا عـن آخـرنا مـن اوسـاطه iiلاقاليمه
يـدينا مـن وراه وبـالحضون الآمـنه iiمحضون=امـانـه لايـضـيع ولا تـفرط بـه iiشـغاميمه
سـماسر الـحروب المفسدين عن الوطن iiيخسون=خـسى بـس يـخسى من ينوي اضعافه iiوتقسيمه
ولا نـسمع ولا نـاخذ كـلام مـن خـادع ملسون=لـسانه يـلحس اذنـه ويـتحاكى مـع iiبـلاعيمه
وتـرى الـتنديد والـتهديد والـتصعيد iiتـلفزيون=كــلام اعـلامـناقص فـاقـد نـصه iiوتـقييمه
كـما الـبالون يـنفخ بـالهواء ويـطيّر iiالـبالون=يـحوم شـوي ويـطيح الـهواء ويـخف iiتحويمه
هـذا الـوقت بـهالجمع يـتفرق والـعميل iiيخون=يـكدر مـن دخـل سـاحته مـن كـثر iiاساويمه
طـفح كـيل الأعـادي يـا بلادي وامتلا iiالماعون=طـغى وأزبـد مـثل مـوج الـبحر متعدي تيمه
خـطير الـكوكب اللي بات بانواع الفتن iiمشحون=والـن صـابه خـلل يصعب على العقال iiترميمه
نـحذر مـن يـفكر فـي حـماقة مـا تسر الكون=ومـن يـقدم يـعض مـن الندم باطراف iiأباهيمه
يـجيلك مـن الـجهالة مـا يسبب لك عنا iiوغبون=يـكدّر جـوّك الـلي بـان صـبحة وانقشع iiغيمه
ولا تــرهـي ولا تـاثـق مــن الـمـجنون=يـعرضك الـصياح ويـوقظ الـفتنه وهـي iiنيمه
يـلوح الـمسجد الأقصى من الدب الحمر iiشارون=عــدو الله يـدنـس حـرمة الـقدس بـمناسيمه
يـصول ويـجتول كـنه على ذبح العرب iiماذون=يـجرب مـا تـطور مـن سـلاح ومن iiجراثيمه
يـهوديٍ تـكشف عـن سـراير حـقده الـمدفون=يـبا يـفشل وتـصبح خـاتمة هـتلر iiخـواتيمه
عطوه الضوء الأخضر وانطلق بامرع بني صهيون=جـهاز آلـي عـلى الـريموت تـأخير وتـقديمه
الـيا دار الـرحا مـلعون حـول واسـتلم iiملعون=مـلاعينٍ تـخطط فـي فـنا الـعالم iiوتـحطيمه
ولـو دارت رحـانا مـع رحـاهم دقق iiالمطحون=بـقدرة مـقتدر يـمضي بـهم حـكمة iiوتـحكيمه


[/poet]