القرم مطلوبه يجيبه=لاسار عنده عزم وإصرار..مع المخضرم ابوسالم الرحال

[ابومبارك اليوبي]

[poem=font="Simplified Arabic,7,black,bold,normal" bkcolor="white" bkimage="" border="solid,4,gray" type=0 line=0 align=center use=ex num="0,black""]
ابومبارك اليوبي=
سلام واجب يهليبه=اللي في رسم المثل بيطار
نبغى لنا قاف نسريبه=الليله في نخبة الشعار
ابوسالم الرحال=
الكل يكثر تراحيبه=جميع الأعضأ مع الزوار
لابان عذبه وتهذيبه=نقطف على ليله الأزهار
ابومبارك اليوبي=
تبقى ولك فكر نقديبه=يارمز لاهل الادب والكار
تلخبط الوضع ترتيبه=حتى اصبح الفكر له يحتار
ابوسالم الرحال=
هذ الذى فيك محريبه=لاشك عندى ولااستنكار
ومادامك الوضع تدريبه=لاتعاتب الوقت لنه دار
ابومبارك اليوبي=
عجزت اوفي مطاليبه= واحتار فكري من اللي صار
انشدك انا كيف اسويبه=اللي منه اشكي الاضرار
ابوسالم الرحال=
القرم مطلوبه يجيبه=لاسار عنده عزم وإصرار
مايقصر اقدام تمشيبه=نحو الهدف يكمل المشوار
ابومبارك اليوبي=
صادق... ولكن اللاعيبه=زادت عن الحد للاخطار
لاتلومني شفت اعاجيبه=وشفت الذي يذهل الابصار
ابوسالم الرحال=
إدراه قلبك لاترميبه=فى نار منهو نواه بنار
لاتطشه فشى مايثيبه=خليك راعى عقل هودار
ابومبارك اليوبي=
ياكيف من جرم اساليبه= اون. وابحث له الاعذار
داريت... والقلب ياطيبه= مير العقل شوف ماهو قار
ابوسالم الرحال=
دام الهوى القلب ناحيبه=يسقيه من علقمه امرار
ماينعذل عنه ويسيبه=مهما تمادى عليه وجار
كم اخلف حساب حسيبه=غدار مايغدره غدّار
ولايلام من ذاق تعذيبه=واستسلم لكيده الجبار
[/poem]

[المعلم]

ابومبارك اليوبي
شكرا لك
صح لسانك ولسان أخي الرحال