صورة مع التحيه لمشرف القسم الأخ محمد الذبياني
ولرواد القسم ممن لايتسنى لهم الدخول لقسم الكسرة للإطلاع على آرائهم

أسمعك ياللي علي تشور
[poem=font="Simplified Arabic,6,red,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/16.gif" border="solid,4," type=0 line=0 align=center use=ex num="0,black"]
أيـام مـرت لهـا تـذكـار=فيها تعاسه وفيهـا سـرور
من يعرف صقالـة العيـار=فيها نجلّب نجيـب شعـور
فالعـاري نـدوّر المـحّـار=فالجزر عنه الميـاه تغـور
واحيان نلقـى لنـا حبّـار=حِبره على اصابعـه منثـور
ولا الهـواره تجيـب بهـار=والمحترف يرمي المجـرور
والمِحيا دايـم مـع البحّـار=تلقى اسفله فالبحر مغمـور
هذي مخادج وهـذا شـوار=وكلاّ بما يحصّلـه مسـرور
والمينـا مفتوحـه للـزوار=من قبل يُبْنى عليها السـور
والبنقلـه للمصلـى جــار=والدنقي بالساعيه مقطـور
النـاوري للثقـل صـبّـار=راعيه في حالتـه ميسـور
والبنط مرصوف بالأحجـار=عاري له الساعيه ماتـزور
فينبـع وكـالات للتـجـار=والأربعاء سوقهـا مشهـور
تبغى حجر روح أبو منقـار=والنوره والجبـس فالتنـور
البـيـت مـتـعـدد الأدوار=وصفّ الرواشين له ديكـور
ينبع من اول عليها اسـوار=والباب لجل الأمن مخفـور
أبواب تُفتح مـع الأسحـار=وبالليل تُسدل عليها ستـور
فالليـل يتْجمّـع السـمّـار=كلا حسب مايجيـه الـدَّوْر
الرادِيُـو مصـدر الأخبـار=والشنطه فيها اسطوانه تدور
إستوطنـوا ينبـع الشعّـار=بكسره يعبّر عن المستـور
يُُوشِر لك المركـب النجّـار=وحدّاد فنان صِنْـع دسـور
صايغ ونحّاس جنب النـار=جَلِي مع إِلْحـام للمكسـور
وسط الكتاتيب فيه إصـرار=قرآن محفـوظ أو منظـور
إسبح وخلّـك مـع التيـار=لاتسير في معاكسه مغـرور
المبخـره والفُـرُن آثــار=والشُّونه مبنى جنوب الصور
فالمملحـه ملـح بالقنطـار=وحوتا مشرَّح وشيء منشور
هذا بعض مما كان وصـار=وتلقاه وسط الكتب مذكـور
وان كان قصّـرت فالمعـذار=واسمَعْك ياللي علي تشـور
وصلوا على محمد المختـار=إعـداد مافالمـدار يــدور
واعـداد ماقيلـت الأذكـار=واعداد مافالكتـب مسطـور [/poem]