ملامح غربتي...لشاعرالغربه

[صالح السناني]

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
الزملاء هنا وفي كل مكان
السلام عليكم ...
..في هذه الأمداء الرحيبه
والآفاق الأدبيه اللامتناهيه (المجالس الينبعاويه) نتصافح
متواعدين لامتوادعين في كل مره تغيب فيها مشاركاتي
وها هي مشاركتي تعود لتبتهج بكم.. متمنيا إرضائكم ..

نبض بدويّ

أخفِي ملامح غربتي واكتئابي=استوطن بلادي واعيش اغرب الناس
حتى الوطن عيّا يحدّ اغترابي=الهَمّ في صدري والاوجاع حرّاس
كثرت ضنون الأسئله في جوابي=واسترسلت فيني إجابات الاتعاس
في غربتي يهدي حضوري غيابي=حقيبة همومي والاسفار هوجاس
نبض بدوي في قسوة القيض رابي=هيجن ..قصِيده بارض لندن وتكساس
بيت الشّعَر قصري وشِعرِي زَهَابي=ودخّان شَبّة دلّتي عِطر الانفاس
تسترسل ابياتي على قدّ مابي=العمر جمله والليالي لها اقواس
عيّا القصيد يحدّ سطوة مصابي=في معمعة وقتٍ به الشّين نبراس
جرحي قِصِيد وحاسدي هو صوابي=وطيبي شِرِبته كيف والوقت محماس
الزّاد صبري والعزيمه ركابي=دربي طويل ولاحَدَى ركبي الياس
إن جيت ادوّن رِحلتي في كتابي=لقيتني قصّه والايام قرطاس


شاعرالغربه 1428[/poem]