الشعر الشعبي غني جدا بمفرداته الجميله .. والتي تأتي من صميم القلب
اليكم هذه الابيات التي اتتني من صديق .. وانقلها لكم راجيا ان تنال اعجابكم
==================================

السلام عليكم ...
ومسّاكم الله بالخير ...
قصيده موجهه لخوي الغالي / دغش الدوسري ..
وماهي الا حروف تتعلم بمدرسة ابو بطي ..
اذكرو الله وصلو على النبي .....
اخوكم سلطان الدوسري ...
================================

ياسلامي عدّ ماتبرق بروق(ن) بالسما
وعد ماهلّت مزون(ن) من فرحها ترتهش

وجّهي يم السليْل وناظري ارضه (كما)
و(الكما) ماينبت الا بارض واطيها دغش

مرحبا بك ياولد زايد هلا بك .. إنما
كيفما أو وقتما أو أينما ؟؟ هذي طنش

مرحبا بك مرحبا بك عدّ مابندق رمى
مسهلا بك وين ماكنت ومكانك ينفرش

يتبعك ذاك الخزام وكل هذا من ظما
عارف(ن) وين السحاب وواثق انه ينتعش

ينتعش يومه يجي حولك وهذي مكرما
والكريم اللي يمد ايديه ولاهي تنكمش

الكرم طبعك ف ابوك وجدك..وهذا عمى
يعمي عيون العدو جعله (بذانه) ينطرش

ينطرش ثم ينخرس ثم ينعمي..قلّي لِمَ ؟؟
الحقود اللي مثل هذا وربي (ينكرش)

نكرشه ثم نكرشه..الله يخسّه من نما
منوتي انه اخذ من اسم ابوه وْلو طشش

مير جاك القاف مني زابن(ن) لك مثلما
قالها الزير المهلهل لـ(بن أبان)* بلا غشش

" قدْ سبى قلبي غزالٌ في صحاري قلما
قدْ رأت عيني غزالاًً قبلَ ذبحي..إرتَعش "

والهنوف اللي ابشكي لك تراها كلما
طالعت فيني بخزه .. يعلم الله انخرش

انخرش ياجدي انته..يعتريني طلسما
نعنبوها طلسمه جن وجنون وتنكفش

والشباك اللي كفشني يادغش مابه غما
يكفي انّه طُعمي وربي فظيعه ذاالوحش

الوحش هي الوحش من شفتها قلت اسلما
اسلمي ياذاالعيون وقرّبي لي ذاالنعش

مااستطيع انظر وربي قاذفاته كنما
عابرات(ن) للجفون..وتعدم الرؤيه غبش

نعنبو جده ذبحني..ذبحته لي مغرما
شف عيونه يادغش واللي خلقني ترتبش

تصدق اني من اشوفه اقسم اني مرغما
مرغم بموتي وغصب احيا عشانه يندهش

يندهش يانعنبوه..وعارف انه مُلهما
واثق انه من حروفي راح اطيّر هالطفش

بس احبه يادغش واللي خلقني مُحكما
كل موتي من رموشه يذبحن لامن رمش

والختام اسلم وسلّم..بلّغه لاهل الحما
والنهايه صلّو عداد المطر..والقاااااف (نش)*

للإيضاح :

* ( ابن أبان ) : امرؤ القيس ابن أبان ( بفتح الباء ) .
* ( نش ) : اي جف او يبس .


وسلاااااااااااااااااااامتكم

تحيا تي