هو انا طبعي كذا

[سعد الهلــــولي]

مصافحة جديدة لعلها تكون بمستوى ذوقكم الرفيع
[poet font="Simplified Arabic,4,crimson,normal,normal" bkcolor="transparent" bkimage="backgrounds/20.gif" border="none,4,gray" type=0 line=200% align=center use=ex length=0 char="" num="0,black" filter=""]
ما هو انا اللي لا دعيته للردى جريت ذقني = هو انا اللي خابره ما غيرت في الليالي
هو انا طبعي كذا من يوم ما ربي خلقني = ما اقدر اسوم الردية والمعزه رأس مالي
ابدويا والجبل عاشقه مدري هو عشقني = الوكاد ان كل منا عند ذاك أكيد غالي
ما جزيت الطيب غير بطيب هذا اللي وفقني = واشهد اني عبد معروف المطرف والموالي
والخطاء ما دايم اجزاه بخطاء لو هو لحقني = الخطاء اللي ما يمس العظم ما حرك عقالي
ولاني اللي ينثني ويقول اخو مره سرقني = والبلا انك جيتني وأنت الذي تعرف خصالي
دور لغيري ترى غيري كثير اللي سبقني = للردى ولا بدرب العز ماشي(ن) غدالي
فأخرتها كان مأنت اللي ليا جيته صدقني = واشتكيله من ظروف الوقت و ان ضاق اشتكالي
احمد اللي عنك يوم انه خلق خلقه فرقني = العلي اللي غرس في خافقي حب المعالي
[/poet]