قصيدة البرتقـــــــــــاله

[إبراهيم المحياوي]

هذه قصيده كتبها أحد الشعراء في أحد المنتديات عن أغنية البرتقاله التي شغلت أوساط الشارع الخليجي بسبب تصويرها المبتذل والفاضح
[poet font="Simplified Arabic,4,black,normal,normal" bkcolor="transparent" bkimage="backgrounds/13.gif" border="none,4,gray" type=0 line=200% align=center use=ex length=0 char="" num="0,black" filter=""]
الله يجـازي فاعـل الخيـر بالخـيـر=عنّـا وفعـل الشـرّ يبـعـد مجـالـه
ويكتـب لنـا الخيـره بحكـم المقاديـر=ويزيدنـا فــوق القنـاعـه جمـالـه
الصبـر مفتـاح الـفـرج والتباشـيـر=كم صابـر ٍ والصبـر فـوق احتمالـه
لـو تآآكـل الزلّـه سمـان المعـاذيـر=العـذر عـن بعـض الخطايـا جهالـه
العمـر مقـفـي والمنـايـا مناحـيـر=وأحوالنـا مابيـن حالـه .. وحـالـه
قام التطـوّر ينفـض الريـش ويطيـر=ويضفي علـى روس الخلايـق ظلالـه
يا كبرها يـا اهـل الوجيـه المسافيـر=( صلوّا على محمد وصحبـه وآآلـه )
وعسـوّاا مابيـن الذاهبـه والمداويـر=العلـم الأبيـض مـا نــدوّر بـدالـه
أبدي بهـا مـن بـاب حشمـه وتقديـر=وأن عـوّدت مالـي عليـكـم وكـالـه
أدخل علـى المعبـود يـا وارد البيـر=لا تلتـوي بيـن الـرشـا والمحـالـه
عرب طرب مثّر بهـا الغـرب تأثيـر=ترقـص علـى التلفـاز يـا همّـلالـه
راحـت عوايدهـم سـوات الاساطيـر=يا ساتـر الشايـب وفاضـح عيالـه ؟
مـن نقـرة الطبلـه ودقّ المزامـيـر=طاح الحصـان اللـي طـوال ٍ حبالـه
والبرتقالـه غيـر والفاكـهـه غـيـر=يقولهـا اللـي يعـصـر البرتقـاااالـه
عصيرهـا حالـي ولا لـه محـاذيـر=لا صـار مسبـوق ٍ ب لفـظ الجلالـه
يا كثر مـا صاحـت عليهـا الجماهيـر=يـا رابـط المجنـون مالـك ومـالـه
بـث الغرايـز حـي والقصـد تعزيـر=وأم الخلاخـل داخلـه مـن خـلالـه
فيديو كليـب ذنـوب فكـره وتصويـر=طـوّح بنـاب الذيـب قـرن الغزالـه
دبكـه وربكـه يـا حيـاة المخاسـيـر=ودايـم ضعيـف العقـل هـذا مجالـه
يـوم المشاهـد ثـار والمشهـد مثيـر=صومع علـى الشاشـه ونكّـس عقالـه
عرض اللحـم بيـن العيـون المطاييـر=يخسر بـه اللـي حافـظ ٍ راس مالـه
سياسـة التشويـق مـن غيـر تبريـر=دفـع العمولـه .. واستـلام العمالـه ؟
الله يبـارك فيـك يـا سالـم الـزيـر=دوّر لهـن صرفـه وغرفـه وصالـه
لا أمسيّـت تلحفهـن خشـوم الدنانيـر=ولا أصبحت سرّّحهن على اقرب زباله
للعلـم مدلولـه .. وللحـلـم تفسـيـر=وللطاق طربـق طـاق وللقـرم طالـه
واللـوح حـظ المطرقـه والمساميـر=وبكـره يسـمّـر ويتعـلـقّ لحـالـه
لومي علـى نسـل الرجـال المناعيـر=وألاّ الحثالـه مـن سـلايـل حثـالـه
[/poet]
[ALIGN=CENTER]منقـــــــــــــــــــول[/ALIGN]