غريب الشرقيه

[غريب الشرقيه]

هذه القصيده للشاعر / سليمان بن حميد العرفي الجهني وهي قصيده غزليه يتوجد بهاعلى بعد ديار الحبيب

[poet font="Times New Roman,5,black,normal,normal" bkcolor="transparent" bkimage="backgrounds/19.gif" border="ridge,10,sandybrown" type=2 line=200% align=center use=ex length=0 char="" num="0,black" filter=""]
علمي بخلي في شفا حيد عجلون = في راس ملموم القري من مغيبه
في وسط فله بين تيناً وزيتون= والراس ذيل اللي مجذل سبيبه
يامنوة اللي يمتني كل مزيون = زرعاً يروّيه النهر في شعيبه
كاساً بقرطاساً عن اللمس مصيون= ماظنتي يطري بشيّن يعيبه
له وسط ملهوفاً وله خد وعيون = سهومهن ترمي هدفها تصيبه
له ساق مدموجاً وله عنق وقرون = وصايفه بين العذارا غريبه
لَقْفَا تِقل شقحا تدفلح على الهون = ولاقْبَل تقل قمرا بدت مع جذيبه
أدلا برمحن صابني تقل طاعون = وصواب رمح المعتدي هوطبيبه
هو راح متريّح وانا رحت مشطون = ماني قريبن له ولاهي قريبه
اسجّ من فرقاه وامشي علي الهون = وطويت ياسه يوم جيت القليبه
كم حال دونه من رهاوي وجبنون = هَيْله ورا الزرقا واهَيْلي بطيبه
قمت اتوجد وجد راعي ثمانون = يندن مناديهن ويردن قليبه
غاروا عليهن فوق هجن يتبارون = مع غفلة الراعي ونوم الرقيبه
واقفوا عليهن صوب اهلهم يغنون = كسايبن ياعارفين الكسيبه
وحيرانهن ظلن وراهن يحنّون = وين القطيع وين صافي حليبه
والعصر جا لاحق على ظهر مشحون = غوجن يرج القاع صفقت هذيبه
وحوّل له اللي باللقا ينطح الكون = عين الحريب اللي يلاقي حريبه
وخلاه متكوّم على الدرب مركون= في ماقعن ماحد يداوي صويبه
وامسى له بوادي من الجن مسكون = ياكثر ديبانه وياكبر ذيبه
هذي وجود اللي يده مابها لون = ويامن خبر كثر التوجد يثيبه
[/poet]