[poem=font="Simplified Arabic,6,white,bold,normal" bkcolor="royalblue" bkimage="" border="solid,10,royalblue" type=2 line=0 align=center use=ex num="0,black""]
أيامنا راحت ونسيوا زماني=لا واحسافه ! ما توقعت ينسون
بعد التقاعد كم هاجس لفاني=أنا من اللي صار لا زلت محزون
معقول بعد أفراحنا والتهاني=بالترقية والأمر سامي وميمون
من رأس عالي فالمجرات هاني=نفداه بالأرواح والأمر مركون
أصبح خبر ماله أثر في ثواني=عامين للتنفيذ في أخذ وطعون
كأننا ما نستحق الأماني=ولا لنا أفعال بيضاء وقانون
ولا لنا في راسيات المواني=بواخر الإخلاص بقلوب وعيون
ولا لنا في عاليات المعاني=بيض القصائد في مفاريح وحزون
حنّا لنا يا قاتلين التفاني=والجد والإنجاز والحب وفنون
يا حاسدين الخلق صفو السماني=أيامها وأرزاقها كيف ما تكون
يا هادمين الطيب سقف المباني=يا ناخرين الساس بأحقاد وظنون
الخالق الواحد عظيم المكاني=ما نشتكي لسواه في حق مضمون
ما هو قصور ولا خذلني لساني=الصبر طيّب والمخاليق يدرون
حافظ مكاني وأفتخر في حصاني=صنته رضا لله والمجد مصيون
مهما زماني يا فؤادي عصاني=يا كم فيه أيام عذبه ولا يهون
اسقاني العذبات مثل الهتاني=وأنا نويت اسقيه من قلبي هتون
لجل الوفاء طبع الكرام الحساني=ما بيننا غير المودات ويمون
صالح محسن الجهني
[/poem]