قصيده جميله لشاعر لا اتذكر أسمه...( قديمه ) وما أجمل القديم حتى في عالم الشعر ..القديم رائع

حقيقه كم رددت كلمات القصيده التاليه في همسي المُحادث لنفسي في أكثر

من مُناسبه ...فأحببت أن أُشاركُكُم بهذه المعزوفه الجميله التي أتمنى أن تنال

رضاكم لأنها جديره بذالك ...

أتركُكم مع ( عهدي بها قدّام تلبس عبايه )


***
**
*عهدي بها قدام تلبس عبايه
.......................وانا بعد قبل البس شماغ وعقـال

طفلين نتهجّـى حـروف البدايـه
.......................الله يامااجمل سواليـف الاطفـال

كانت لنا في كل شـارع حكايـه
.......................وكنا نقول علوم ماهيـب تنقـال

وكنت اتقاسـم مامعاهـا معايـه
.......................من(عسكريم) التوت للعلك ابوريال

وكانت بعكسي شاطره في القرايه
.......................تقرأ جزء عـمّ وطـه والانفـال

وأنا لك الله من مـواري غبايـه
.......................مدري ابو نقطه هو الـذال او دال

وكانت لابويه تشتكي من شقايـه
.......................وتعلّمه كيف اربط البـاب بحبـال

ياما على ظهري كسر من عصايه
.......................يقول لي:خلّك وأنا ابـوك رجّـال

وامي تقول:ادع لولـدك الهدايـه
.......................خوفي تصيبه كثرة الضرب بهبال

لاشفتها مـع اول الـدرب جايـه
.......................مدري أنا اللي ملت ولاّ الوطا مال!

احسّ قلبي يرتجف فـي حشايـه
.......................ماكنّه الاّ الضيـف لاهـزّ فنجـال

ياما عن"السّعلي" تخبّـت ورايـه
.......................لاخوفوها فيه ثـم شافـت ظـلال

تقول:خلّـك يامحـمـد معـايـه
.......................واسّتأنس العب عندها دور الابطال

وآغار حتّى من عيـون اصدقايـه
.......................لاطالعوها قلت:تكفـون ياعيـال!