[poem=font="Simplified Arabic,6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
سرااااااب
سريت في ليل الدجى لين ما شاب=راسي وانا ما شبت فـ اَوّل شبابي
وجربتها الدنيا تجاريب شياب=ضاع العمر فيها ولاابديت ما بي
كنّي غريب الدار من حولي اجناب= كلّي شقا واجراح ما من درى بي
في غربتي ما لي عن الصبر مجناب=أصبر ولا لي غيره اِلاّ عذابي
وان طاف بي فكري مع طيوف الاحباب=اهِيْم في دنياي فاقد صوابي
أسري واسامرهم على كل مرقاب=واصبح وما سامرت يصبح سرابي
يوسف
............................
....................
...........

ســـااااااااااااااري

عيني ليا نامت عيون السهارَى=يسري بها عن لذة النوم ساري
تسري هواجيسه بقلبي تبارَى=وتارد بمسراها على كل طاري
يروي ظماي لكل ماضي توارَى=حتى يفيض الما من العين جاري
يوسف
..............[/poem]