السلام عليكم

القصيدة قصتها يوم كان الشاعر يحب وحد في دياره الشمال وماقسم الله بينهم نصيب وتزوجت البنت من واحد ثاني وسافرت وكان الشاعر يحبها حب خيالي وبعد ثمان سنين وكان الشاعر يعمل مدرس وجاه نقل اجباري لمنطقه بعيدة الظاهر في الجنوب ويوم داوم اول يوم في المدرسه وكانت ابتدائي شاف بين الاطفال طفل غريب يحس بشي يجذبه له ويوم ابتسم الطفل ناداه المدرس وقله من انت ولده قاله انا ولد فلان قاله انت امك فلانه قال الطفل ايه قام المدرس سكت وكتب القصيدة ومن بكرا عطاها الطفل وقاله عطها امك

(منقولة)

[poet font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
غابت ثمان سنين حـل وترحـال =غابـت ثمـان كلهـا مدلهمه
غابت سنيـن وشهـور وليـال= مافيـه قطـر غيـر وجـه يمه
وعقب الثمان الي تعبها برى الحال= جاب الزمان الكارثة والمطمـه
جاني ولدها مبتسم بين الاطفال= ومن بسمته ذكرت أنا بسمت أمـه
ركضت له ودمعي علي الخد همال= من كثرشوقي قمت بالحيل أظمه
ساعة حظنته والطفل في يدي مال= شميت ريحتها على أطراف كمه
واليوم بنت الناس في بيت رجال= حب على غير الشرف لي مذمه
مجبور أعود واشتكي لكل الأجيال= بنفس حزينـه تايهـه مستهمـه
برجع غريب سكنه بر ورمال= يحـي يمـوت ويندفـن مـا يهمـه


[/poet]

أرجو وضع علامة = بين شطري البيت عند استخدام كود الشعر