ريقان يشكي على متران * * * طرد الهوى ويش اسوي فيه

[فتى المـــدينة]

[ALIGN=CENTER]اخواني الاعزاء
السلام عليكم ورحمة الله وبركاته

ألف احد اصدقائنا في المدينة المنورة قبل سنوات طويلة ثلاث كسرات لقصة خيالية وهي :
عندما كان في تلك الفترة حاكم واطنه حاكم فرنسا المهم حاكم في دولة اوربية اسمه ( ريقان ) وحاكم دولة اوربية اخرى واظنها المانيا او انها امريكا المهم هذا الحاكم اسمه ( متران ) وايضاً في تلك الفترة حاكمة بريطانيا او دولة اخرى والله ما ادري المه اسمها ( تشارلز ) ما ادري اسم حوله المهم ألف القصة على اساس ريقان يحب العجيّز تشارلز وان متران صاحبه ويشكي له بدون ما تدري العجوز

فقال
ريقان يشكي على مـتـران ***** طرد الهوى ويش اسوي فيـه
ان كان عنـدك دواء يا فلان ***** بالله عـجّـــل علـينــــا بـيـه

رد عليه خويه متران قال

وش تبي بالهوى يا ريقان ***** طرد الهوى وش انت باغي فيه
الراس شايـب وفيـه جنــان ***** ونبغـى سـلامة يجـي يكـــويه

على فكرة سلامة هو سلامة رشدان طبيب شعبي عندنا في المدينة مشهور اظنكم تعرفونه؟

المهم في تخيّله للقصة ان العجيّز درت عن الهرجه وهم داسينها عليها المهم يوم درت العجوز قالت

سمعت هرجه لها رنان ****** وتكتموا السر عني ليــه
ان كان يحبني ريقـان ****** متـران انـتـه ما لـك فيه

العجوز مبسوطة ما تبي متران ينصحه عنها

ولكم تحياتي ؛؛؛[/ALIGN]

[من شارع 40]

حياالله اهل طيبه

ريقان = رئيس امريكا
ميتران = رئيس فرنسا
تاتشر = رئيسة الوزراء في بريطانيا

ولعملك اخوي فتى المدينه ان ميتران زار ينبع ايام ازمة الخليج الاولى
ولو كنا ندري عن الكسرات ذي كان اعطيناها ميتران يمكن يرد بكسره بالفرنسي

وتحياتي لك ولكل اهل طيبه

[فتى المـــدينة]

اشكر الاخوة الكرام
من شارع الاربعين
والاخ الساطر على تعقيبكما


ولكم تحياتي ؛؛؛