هذا اللحن من رديح احمد حسن السيد اقيم في مدينة ينبع البحر بحي الحدائق عام 1398هـ تقابل في هذا اللحن من ينبع البحر عايد القريشي ومن جده بنيه العروي ومحمد بشيبش الشريف.

[poem=font="Simplified Arabic,6,white,bold,normal" bkcolor="blue" bkimage="" border="none,6,blue" type=0 line=0 align=center use=ex num="0,black"]
جده
ليل المسى انتهى زامه = يجعل صباحك هناء وسرور
واللي منابيه وانغامه = يبقالها فالمعاني سطور

ينبع البحر
الانس ماجفت أقلامه = يأمن صباحك علينا نور
مادام انا وانت في ليامه = لأنا ولاانت عنه مقصور

جده
القيل حكمه بحكامه = اللي لهم بالمحاكم شور
والمشتقي تعبت اقدامه = والمسألة كل يوم بطور

ينبع البحر
يمنعني القيل ونظامه = حتى يجي للحقايق دور
المشتكي يحضر اخصامه = فالحال واحكم حكم بالفور
جده
المشتكي قدم اعلامه = يبغى العداله ورفع الجور
كيف انتمكن على ارغامه = ونحضره للحكم مجبور

ينبع البحر
انتم ربابه وفهامه = والعدل كمله لكم مشهور
ان ماالخصم جيب قدامه = قاضي العدل كيف يحكم زور

جده
قيم العدل وانصب لزامه = اللي ماين العرب مذكور
ولااسمع الظلم ظلامه = رغم الحقايق معي والنور

ينبع البحر
مااحكم على الغيب والامه = واسير من لايمي مكبور
اخاف من لوم لوامه = يصير ذنب الخصم مغفور

جده
من مركزه وقوة الهامه = لاعرف طاعه ولادستور
قضيت الايام في صدامه = لاحق قره ولامنكور

ينبع البحر
قاضيك وزن العدل قامه =واعلن فصيله بحر وبرور
شطب على اسمك برسامه = واخلى سبيل الخصم منصور
وانكسر اللحن [/poem]
وان شاء الله كل ماحانت الفرصة نزودكم بلحن قديم من الحان الرديح.
تحياتي اخوكم محمد جميل الريفي