ماكنه ألا وليد الهام

[المعلم]

بعد اطلاعي على كسرة أسير الغرام التي يقول فيها

[poem=font="Simplified Arabic,6,,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/17.gif" border="solid,10,limegreen" type=0 line=0 align=center use=ex num="0,black"]
ياجباره القلب عيا يكف=شوقه على ماضي الايام
مما بكى الطرف دمعه جف=والروح حلت بها الاسقام[/poem]

فهيضت علي وذكرتني بالزمن البعيد ومافيه من أشياء لاتنسى في الذاكره وأعرضها عليكم علها تنال اعجابكم وأقول فيها

[poem=font="Simplified Arabic,6,,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/17.gif" border="solid,10,limegreen" type=0 line=0 align=center use=ex num="0,black"]
تذكر هذاك القنو والجف=وقدّ ار عن القدر ماينام
تذكر من الجذع سوو رف=والألف هو آخرألأرقام
مالومكم لو بكاها الطرف=لو تمسح الدمع باالأكمام
همي على همكم مردف=والمعذره ياذوى الأفهام
الجار في جيرته ألطف=واليوم تخشي ذوي الأرحام
ماتشوف كيف المطر وقّف=يجي سنه ومايجي أعوام
أشياء خارج حدود الوصف=خافه وذا جيب للمرسام
لوجيت بعد العشاء تهتف=ماحد يجيب . الجميع نيام
من الصبح يالله خذ المقطف=اجنى وخلك عجل وشمام
والزفّه انشيلها عا لكتف=وحبل القرب عالرؤوس وسام
وجه الكفاره ماهو كالخلف=المستوي دايم لقدام
مقراط ومشمخه له ولف=والقب مقاسه االأقدام
والصقرق اللي يبي له عنف=اما لمرض او لقرصة سام
الحنا جزه تحفّه حف=وتبعد عنه حبحب وشمام
ليمون اقطف وانا واقف=واحط فالشاهي النمام
وابل شرشف وأتلحف=ان كان في يوم حر صيام
الزرع تسقيه لاينشف=ولا النخل يحتمل ايام
كرناف والليف لفه لف=لما تجي تسوىاالأعصام
بالليل نلعب سرت بالدّف=والصبيانيه مافيها خصام
ماء المطر فالقلت ياقف=نشرب منه لو كليبك حام
المعلفه شغلها مرهف=والقفه ذي شغلت أم زمام
معرى ونفيه بها نندف=زباير الأرض والأكام
ومسحاه تبري صخيف الكف=واللي ماجرب تري مايلام
سريرنا من جرايد صف=تلقى أثرها على الأجسام
مافيه عاطل ماهو موظف=لادش لا لكس لا حمام
تبغي تصوبن وتتنظف=بالعين على مدار العام
في عيد الاضحي يجينا الخلف=ناكل عيادي بليا انظام
تشوف الفطاير كما الملحف=انفتها واللبن ايدام
مره حصلي أنا موقف=مع الصغّير من الأعمام
على الجدر اجري وآقف=وقلتله قوم جاك الزّام
ضيق الجدر معه ماأنصف=منّه تكرفس على الابهام
ومن الغضب ارتعد وارجف=واعطاني علقه ورحت آنام
العين قبل انها تنشف=التمر وسط القياع اكوام
وطاي منه العرق ينطف=أربع مجاليد تكفي عام
الدبس تحت التمر يذرف=ماكنه ألا وليد الهام
نلحس من الدبس ويشفشف =ونشرب من العين شرب هيام
[/poem]