الأخوه الأعزاء أحببت ان انشر لكم قصيده للشيخ عواد بن عليثه ابورقيبه الجريسي كنت قد سمعتها من احد الأصدقاء من فتره تنم عن عمق تفكير هذا الرجل رحمة الله عليه وسعة ادراكه فهو رجل عرف بالشهامه والكرم وحبه للناس ومحبة الناس له وعرف بالوفاء ورجل عاصر الجيلين فرحمة الله عليه القصيده طويله بعنوان وصية التجارب

ياالله ياعالم خفيات الأسرار 0000000000 ياخالق المخلوق ياصاحب الكون
نجيت يونس وسط طمات الابحار0000000000يا مسير المخلوق با لكاف والنون
عالم عن الخافي وغيبات اللاقدار000000اسألك غفرانك وراحمتك والعون
تجعل عملنا طيب الذكر بالدار0000000000دار القرار اللي بها الجمع محتون
تجعل كتابي في يميني عن يسار0000000مع العبيد اللي بلى حساب ينجون
حمدان أوصيك لاسار ماسار00000000000احفظ وصاتي وادرك العلم لا يهون
حافظ على دينك وتقواك واختار 00000000من طيب الأخلاق ومشي على الهون
علي عظيدك دون شاير وشوار00000000واخوانك الباقين هم ذخر وحصون
وعمانك اللي من مواكير الأحرار00000هم الجمال اللي للحمال يثنون
وعيال عمك عزهم واحشم الجار000000000000وحتى الرفاقه عندكم لا يهونون
وخوالك اللي طيبين با لذكار0000000000000احفظ نسبهم واجعل الرحم مصيون
واختار بين الناس لا جيت تختار000000000000عن جملة الأصحاب من كان يدرون
هل الوجيه الطيبه والثنا السار000000000000000اللي بهم ترفع عن اللي يقولون
لا تجالس الا كل طيب ومغوار0000000000000000تذكر بذكره دون هذاك والدون
واحذر عن اهل الخبث مخفين الا شرار00000000000اللي ما بين الدم واللحم يبنون
واكسب من الطيب ترى الطيب مندار000000000000والطيب له با لناس وازن وموزون
ترفع بذكره عند ربعك ولخيار000000000000000لا حل بك طاري عليكم يعيون
والفرق بين الناس واضح ومعيار000000000000000والطيب بالطّيب مربحه مظمون
ولا تستمع للهرج من كل ثرثار00000000000000000وسند كلا مك لا بغيتو تعدون
لجلن هرج اكذب يل سرع ما غار 00000000000000000وشوف الوكاد الصدق لا جيت تروون
وحلم على الجاهل لا جاك منثار00000000000000تكسب ولا تندم ولو سرت مغبون
والحلم مثل الماء على شعلة النار0000000000000والصبر يطفيها ويا سرع متهون
ولا يفوتك الواجب وخليك محذار0000000000000تراه فرصه وان غدت تشوفها غبون
يلقى بها القايل ونقال الا خبار0000000000000وتسير بالواجب مقصر ومديون
وليا لفا بالدار ربعا وخطار000000000000000شوف القرى الترحيب من حيث يلفون
لجل النبا هو القرى عند الا خيار000000000000لجلنهم من بعد يلفون يمشون
وبا للازمه لا جات لا تطيع الا شوار0000000000000خلك على حقك وما كان بيكون
ومن لا عرف لهل المواجيب مقدار000000000000ميحصلالزينات ما يكسب اللون
وعليك بأهل الراي لا سرت محتار00000000000000وشوف الجميله مكسب اللي يعرفون
وبنت الردي حذراك تبنيلها دار0000000000000000عليك بلطّيب ليا جيت تبنون
تكسب من المنسب ولا يظيعلك ثار00000000000000والساس يبقى كود مبناه متقون
وعز العواني وافرش الردن للعار00000000000000وخلك من اللي للعواني يظفون
خلك عليهن طيب النفس وستار 0000000000000000ونعرف انك دونهن ما تصدون
واعلم ترى الدنيا لها دور ودوار00000000000000هذاك تظحكله وهذاك محزون
والباقيه يحظابها كل صبار0000000000000والزايله تفنى بلا شك وظنون
فرج عن المظيوم لا جاك محتار000000000ومن فرج الكربات يا جد بها العون
ولا يستوي باذل وجما ع دينار00000000000والغرس من مجناه يلي تغرسون
ويكفيك من دنياك عن كثر الافكار 000000000000كل ماستر وجهك ولا تسير مفتون
لا نها دنيا ما دامت لبيكار0000000000000000000نزّالها لا بد عنها يشدون
تمت بذكر الله عدد وبل الا مطار0000000000000وعداد من حجو لبيته ويدعون
وعلى الهاشمي نور الا نوار000000000000 صلو على المختار يللي تصلون




رحمك الله ابا حمد واسكنك فسيح جناته