هذه القصيدة الاولى التى وددة ان تكون طليعة مشاركاتي في هذا المجلس الطيب ارجو ان تحوز على اعجابكم

[poet font="Arabic Transparent,5,black,bold,normal" bkcolor="white" bkimage="" border="none,4,gray" type=2 line=200% align=center use=ex length=0 char="" num="0,black" filter=" shadow(color=sandybrown,direction=135)"]
في ما مضى يوم ان الايام سفره = في ما مضى من هالسنين الخوالي
وسط النخيل وبين ضلع وحرة = وتحت السحاب وفوق صفر الرمالي
في موطن يازين برده وحره = ومحلى صباحاته ومحلى الليالي
لي شايب يفرح بضيف يمره = زين وجاره مكرمات الدلالي
لو تقفي الدنيا عنه ماتضره = ولو اقبلت ماشاف فيها توالي
يفرح نهار ان المواكب تمرة = ويحزن ليا صبو له البن خالي
مع طيبته ما كل ضحكه تغره = له عقل يعرف عدلها والميالي
قضيت معه ايام حب ومسره = ايام مادري بعدها وش صفالي
ايام كنت اضنها مستمرة = وما اصدق الحاكي بها لو حكالي
وفجأة وانا بين الهنا والمسرة = فارقت اعز الناس واعز غالي
حضرت موته ثم ساويت قبره = بساعات حزن مثلها ما مضالي
اخفيت فى لحضاتها كل عبرة = من شافني ما قال اودع لغالي
اخذت من صبر المحبين سترة = يا سرع ما جاها البلا والزوالي
بقيت دموع الصبر بالعين جمرة = ما تنسكب لو كل دمع جرالي
واليوم اشوف الدار بالعين قفرة = قفرة ولو جاها حقوق الخيالي
يارب ياقابل من العبد عذره = لو اعتذر لك من ذنوب ثقالي
تقبل معاذيره وذنبه تغفره = وفي جنتك تعطيه منزال عالي
[/poet]