عباطة يفضفض لصاحبه عن قصة الحب الأول

[عباطة]

ياسلااااام هوا ذا الحب ؟؟؟؟؟؟؟؟؟؟ !!!

وأنا أقول ليش اللي بيحب يسهر ويغني ويعيش حياته

<<<< أفا ياواد ياعباطة لايكون حبيت !!!

ماتشوفني سرحان وفكري مشغول على طول

<<< هات ياولد وأنا اللي احسبك على نياتك طلعت مو هين ياولد

هات شو ؟ أخاف تعلم وتنشرها في المنتدى ؟ ترى سمعتي زي الفل

<<< ياعباطة قول يعني انتا لا أول واحد ولا آخر واحد يحب .... هيا خذ نفس عميق وقول

ياواد استحي أيش خذ نفس .... جالسين نحشش احنا خخخخخخخخخ

إيوة حبيت وقلبي انحرق

<< ومين ذي سعيدة الحظ ياعبطبط ؟

<< طيب من جيرانكم ؟

يعني تقدر تقول .....

<< ياعباطة ... فزورة هيا ؟ يااأخي اتكلم يمكن اساعدك بخبرتي

شوف ياحبيبي ... حبيت الشغالة حقة جيراننا .....

<<< الله يرجك ياعباطة ... قلبي انحرق والحب حلو ...وآخرتها خدامة !!!!

ياولدي أولا ً أنا ماأسمحلك تقول عن حبيبتي خدامة

ثانيا ً حبيبتي فيها شبه كبير من حليمة بولند ... بس خشمها مرتاح شوية وعيونها مشحوطة شويتين

ولا حليمة... حليمة مايبغالها كلام

<<< طيب فين وصلت معاها ؟ زواج ولا علاقة حب وقلة حيا ؟

أول شي أنا كانت نيتي سليمة وبريئة وحبيتها من قلبي .... بس هيا طلعت نذلة

<<< كيف عرفت ؟

كانت كل يوم تطلع فوق السطوح تنشر الملابس وأقابلها وأساعدها في التنشير

أقلك جوي مررة رومانسي وكل يوم أجيبلها عطر ...والغريب انها تحب العطور الرجالية .. ...

نوقف مع بعض في جو رومانسي وسبت الغسيل بينا والحبل فوقنا

مرة هيا تنزل تجيب فلينة وتنشرها..... ومرة أنا أجيب سروال وأنشره جو مو شوية

وعيونها في عيوني ماتنزل ... أقلك جو مو لعب

<< طيب وبعدين ؟

جا يوم حبيبتي ماطلعت السطوح

حسيت بخرفشة في قلبي ... حاجة مو طبيعية عاد انتا تعرف الحب مو بسيط

واليوم الثاني والثالث ,,,,, فين راحت البت ؟

من جد ماني قادر أستنى ..... سئلت ولد جيرانا باستعباط

ياهوو فين شغالتكم يابو حميد ؟؟

رد : نعم نعم وانت أيش تبغى كمان منها ....

قلتله لا ولا شي بس شغالتنا تسئل عنها ..وإحنا لا عندنا شغالة ولا نيلة

قال : شوف ياعباطة بصراحة سفرناها ... للأسف اكتشفناها بعلاقة وترسل هدايا وعطور

لراعي البقالة اللي في آخر الشارع ... وراعي المغسلة اللي في الشارع

اللي ورانا .................

صرخت بصوووت عالي زي الأفلام الهندية .... لا .... لا .... مستحيل

<<< يعني عطورك راحت عليك ؟

خيرة خيرة ياراجل أول محاولة دايما ً فاشلة خخخخخخخخخخ

بس هذي قصة حبي الأول ........... حب كله فشل هههه