[poem=font="Simplified Arabic,6,white,bold,italic" bkcolor="darkred" bkimage="" border="solid,6,chocolate" type=0 line=0 align=center use=ex num="0,black""]
حليم=
الكسره اللى خلـل فيهـا=لابد مااوضح الاسبـاب
لوصفقـومـا اعديهـا=وبيني وبينه عتاب احباب
البندر=
هـذى بسيطـه ونعفيهـا=اللى غلط ما غلط فى كتاب
بكـره يتعلـم قوافيـهـا=وتصف له فالكلام حسـاب
واحنا المعانـي نصفيهـا=ماينقفـل للمعانـي بـاب
لانـه الـنـاس يكفيـهـا=حسن النوايـا مـع الاداب
فايز=
جوهر ذهب وانطلآ بحروف=وزادة علـى لمعتـه لمعـه
وصارالنظر يمهم مخطوف=والعين هلت بهـا الدمعـه
تسإل عن القاضي المعروف=اللي تنحـى عـن الجمعـه
خلآ القمر فالسماء مخسوف=ظلمـا ولا بيدنـا شمـعـه
البندر=
الرد مانـي عنـه مكفـوف=لان فـي نـاس مستمعـه
لو كان يرقى الجبال النوف=افنـده وارمعـه رمـعـه
الحي ياما تجيـه ظـروف=مهما معه خلـق مجتمعـه
يسير وقت اللـزم موقـوف=لوما لحق خطبة الجُمعـه
وكل شي حسب الذي مألوف=لايطاوع النفـس والطمعـه
الناس فيها نظـر وتشـوف=تحكـم بالافعـال والسمعـه
فاقدة غالي=
نعيش دايم على الاحلام=وامال معقوده في باكر
الى متى والقلوب تضام = بيدين الايام يا مسافر
البندر=
مايحوج الامر لاستفهام=للكل هذا الامر صايـر
ومادام عندك امل قـدام=لاتكون فى موقفك حاير
لاتعارض الرب فالاحكام=ولاتقول هذا امر جايـر
كل شي مكتوب والايـام=مسيره والحكـم سايـر
القاسي الاول=
ياهل ترى رايكـم الان=قبل اتخذ شي في بالـي
ينتابني هاجس الهجران=دامه على وضعه الحالي
البندر=
اول تعوذ مـن الشيطـان=وابعد عن الصـد ياغالـي
وخليك فى مركزك سلطان=ولاتسمـع القيـل والقالـي
بكره يجيكم غصب ندمـان=مادام ساس البنـاء عالـي
وبالطيب واللطف والاحسان=مره لكـم ينقلـب حالـي
فاقدة غالي=
فكرت فالود واحوالي=من خوف لا اعلن خضوعي
اللي على قلبنا غالي=من قسوته سالت دموعي
البندر=
مثلك مع الود ذا حالـي=لى عام انهيت موضوعي
الود معـروف متعالـي=يفرح اذا زود وجوعـي
زكي ابو زكي=
أهرب عن الواقع المؤلم=واطيح وسط الخيال المر
في درب ماينمشي مظلم=ياويل منه علـيه يمر
البندر=
ماهو عجيب الامر واعلم=هذا الامر ماينقص عمر
ياكم يمضى على المسلم=اقسى من اللى عليكم مر
فاقدة غالي=
قلبي وشوقك تحدوني=والكل منهم اخذله جنب
حتى البكاء ذبل عيوني=من السهر والغرام الصعب
البندر=
قبلـك تحـدوا وبكونـي=الله يلعـن ابـوه الحـب
عليـه يامكثـر غبونـي=صبحه اسئ والليالي غلب
فاقدة غالي=
قــــدام يقبل علينا العيد = ويتحلل الحاج يا اخواني
الله واكبــــر لها ترديد = والكـــل بالعيد فرحاني
اعـــايد الجمع ايد بايد = احباب قلبي وخــلاني
وفوق التهاني لكم تأكيد = العيد معكم طعم ثاني
البندر=
تسلم على التئهنه ياجيـد=الحق لك حرف شجاني
وللمنتدى عام بالتحديـد=اهنئ الكـل باغصانـي
جبنا شموع الفرح بنقيدو=ورود واللـون فتانـي
نبغى نخلى الليالي عيـد=وكل يوم احلى من الثاني
شامخة الذات=
على حسب دعوتك ياحروف=للمنتـدى جيـت مشتـاقـه
سلام من خاطري مصروف=ماهو مـن البـاب للطاقـه
البندر=
تأخيرنا كان ليـه ظـروف=ياحـروف بالحيـل ذواقـه
ترحيب من حرفي المعروف=يحملك الـورد فـى باقـه
فاقدة غالي=
عذابنا نكــتبه فأغصان=والقلب شاهــد معي والروح
كل مالها الحال في نقصان=ومن سبتك خاطري مجروح
البندر=
من حرفكم خاطرى طربان=ياحرف كله امل وطمـوح
وردا على طالع الجرنـان=اسمع كلامى بكل وضـوح
معروف هذا الهوى سلطان=ظالم وكله اسئ وجـروح
ياكم عانـى منـه انسـان=وياكم هدم كثيـر صـروح
لكن بوصيـك بالاحسـان=وكل شي فيه الهوى مسموح
بالضد لاتعامـل الخـلان=الطيب من قدمه مايـروح
سكري بريده=
برسل سلامي على العنوان=واعطره من شذى شوقي
ياصاحبي خلكم ضميان=قلي متى تبلل عروقي
البندر=
الشوق داريه بالكتمان=كثير بالشوق محروقي
مايحوج الامر للااعلان=ياقلوب متعطشه روقي
البندوري=
مقرح الطريق=
21/11/1431هـــ =
[/poem]