[poem=font="Simplified Arabic,6,white,bold,italic" bkcolor="darkred" bkimage="" border="none,4," type=0 line=0 align=center use=ex num="0,black"]
ياسر الكبيدي
بالله تخيل سجن من عطف=سوره وله والعساكر شوق
وسجانك إحساس مايرأف=مظلم ولاتشوف فيه شروق
أنس الدريني
عشت الخيال الذي توصف=وابعد منه حسك المرموق
ولاشك من رهبة الموقـف=روعني الوصف والمنطوق
ياسر الكبيدي
عزله وكآبه وعين تـرف=تنظر إلى قلبها المحـروق
في سكون ريح الأمل ينزف=مايملكه من شعـور وذوق
انس
هوّن على القلب لايتلـف=وتصير من عبرتك مخنوق
مهما رياح الالم تعصـف=لابدها في نهـار تـروق
ياسر
حسبُه بالإلطاف يُستلطـف=بالعكس جاه الأسى مطبوق
سنين عمره قطفها قطـف=ولا شافها نظرة المعشوق
أنس
كم جرّح العشق واستنزف=جهد وعنى واستباح حقوق
ولو بالتمني اسـاه يكـف=مالتاع من سبته مخلـوق
ياسر
على ضفاف الأمل يحلـف=عليه وضعه أبد مايـذوق
مما لقى بس بـا يعـرف=وش حيلته في أمل مايلوق
أنس
خوفاً من الواقع المؤسـف=اللي معه ماتلـوح بـروق
أصرف نظر لايجيك أعنف=لأن بينك وبينه فروق

وأنكسر اللحن [/poem]