[align=center]بسم الله الرحمن الرحيم . اعزائي . السلام عليكم ورحمة الله وبركاته

كان لي الشرف بحضور زفاف الاخ / حمود حطيحط السريحي .. في مدينة جده بتاريخ 26 / 4 / 1416 وقد كانت

ليله ستضل في الذاكره ردحاً من الزمن .. وقد اخترت لكم من رديح تلك اليله ( لحن زمانين ) ..

وقد حضر تلك اليله من الشعراء من مدينة ينبع / الشريف أحمد الدبيش . عايش الدميخي .

كما حضر من مدينه جده / بنيه احمد العروي . محمد مازن القبساني . الشريف محمد بشيبش . جباره بن جابر

العروي . عطية الله الفدعاني

كما حضر من ينبع ايضاً / ناجي عبد الله شتيوي . شتيوي عبدالله شتيوي . فيصل فران . وتولو الرد على لحن

سلام . كما حضره من ينبع ايضاً / محمد مسلم الهريويل وشارك في لحن زمانين .

واسأل الله العلي القديرأن يرحم من غادر منهم هذه الحياه الزائله لامحاله ويمتع من بقي منهم بالصحة والعافيه .

أيها الاعزاء كان من المفترض انزال ( لحن مالك الروح ) با الأمس مع اللذي قبله ولكن لم يسعفني الوقت لتجميعه من عدة

أوراق ليلة البارحه مما دعاني لانزال اللحنين هذه الليله ..

[/align]

[align=center]لحن ( زمانيـــــــن )[/align]

[poem=font="Simplified Arabic,6,orange,bold,normal" bkcolor="indigo" bkimage="" border="none,4,gray" type=0 line=0 align=center use=ex num="0,black"]

ينبع =

طار الكرى عن عيون مود = والدمع فايض من عيونه
تمضي عليه السنين يعد = ما ارتاح فيها من شجونه

جده =

أهل الهوى بين قرب وبعد = وانتى من اللي يعرفونه
ماحد وصل للموده حد = حتى المجاريح يصلونه

ينبع =

ماتواسي اللي هواه مصد = وتشوف له حل فغبونه
كل مابغى فالطريق يمد = موقف عسر حال من دونه

جده =

من لاعرف في هواه يود = يبعد عن الود وشئونه
قبل عليه البناء ينهد = واهل الموده يدينونه

ينبع =

ماشفت ليه أمل فالرد = يامن ترشحت تفتونه
لجل العواطف ماهي باليد = والقلب مرهون فسجونه
لو تنشد سهيل والفرقد = وظلمة اليل وسكونه
غيري بطيب المنام يخد = وقلب المعنا تزيدونه

جده =

راح المثل من مكانه شد = وكل المخاليق يوحونه
اعلم ترى فالمعاني نقد = وراعي الخطيه يخطونه
مادام مزنك برق وارعد = قبيلكم لاتعنونه
اللي من اول ماباح السد = يجلل الود ويصونه

ينبع =

ضاع المثل في جدال وعند = مع الذي هدم حصونه
لو راجع القيل بند ابند = ماكان بالنقد يقفونه
لابد هذا الكلام يعد = يعرض على ناس يقرونه
واللي تنصب وسوى ضد = لابدهم مايلومونه

جده =

لاواخساره هذاك الجهد = عند الذي مايمعنونه
سرت اتوجد لذاك العهد = اللي كثيرين يبكونه
حطيتهم في مكان الند = لا واعنا القلب وحزونه
واللي لهم فالموارد ورد = لا قالو القول يحمونه
انا احسب ان المثل يصعد = يعلى مراقيه وفنونه
لكن لقيته عنه مبعد = أخلف أصوله وقانونه[/poem]

[align=center]لحن ( مالك الــــــــــروح )[/align]

[poem=font="Simplified Arabic,6,orange,bold,normal" bkcolor="indigo" bkimage="" border="none,4,gray" type=0 line=0 align=center use=ex num="0,black"]

جده=

ياهل المفاهيم دلوني = لجل الفؤاد الشقي يرتاح
انا أحجب الدمع فعيوني = ولا أسكبه وابكي اللي راح

ينبع=

راجع لك القيل بالهوني = رواد فالمعرفه وصحاح
افعل كما شئت ويكوني = يسعد وتقبل به الارواح

جده=

ناديت والناس سمعوني = وجرحي على ذمة الجراح
اسقيتهم شهد واسقوني = كاسات فيها المرار بياح

ينبع=

هيا استمع نص مضموني = يامن عليك الامور شحاح
اللي بلا جهد ويموني = يقضي سنين العمر نواح

جده=

ياليتني صنت مكنوني = ولابحت سدي بدون ارباح
واللي مايدرون لاموني = وماساة قلبي يروها افراح

ينبع =

يوصلك من عالي حصوني = قرار ومسجله في الواح
ما أقبل بمثلك يخطوني = والعلم جاكم نجم وضاح
خابرك عاقل وموزوني = تعادل المد بالمرباح
لجليش تقبل به الدوني = مادام جوره عليك اجتاح
لونه الوضع قانوني = مايوم عن مركزك تنزاح
لاكنه الامر مرهوني = لوجهة نظر ودكم ياصاح[/poem]

[align=center]وقبل الختام ليس بوسعي الا أن أقول ...[/align]

[poem=font="Simplified Arabic,6,orange,bold,normal" bkcolor="teal" bkimage="" border="none,4,gray" type=1 line=0 align=center use=ex num="0,black"]

ليت اليالي علينا تجود = واحبابنا جوهم يصفي
يرجع لنا الماضي المعهود = لو كان ليله فقط تكفي[/poem]