[poem=font="Simplified Arabic,6,white,bold,normal" bkcolor="orange" bkimage="" border="double,7,deeppink" type=0 line=0 align=center use=ex num="0,black"]
قبل امس واحد من الاخوان=جاني على البيت عصريه
قال استمع هرجتي يافلان=اللي على شانها الجيه
نفسي بزوجه ومن لبنان=او انها تكون سوريه
لانها موطن الغزلان=وماظن موطن يجي زيه
قلت انت ياصاحبي غلطان=غلطان مليون بالميه
بنت الوطن حسنها فتان=فاقت عن البدر بشويه
كانها وردة البستان=اللي عن اللمس محميه
مايطولها فارس الفرسان=الا على احكام شرعيه
جمالها يسحر الاعيان=خلقة من الله طبيعيه
ماهي مساحيق بالالوان=بدونها تصير جنيه
ولاتزين الرمش والاوجان=من شان لفت الهواويه
ومافيه في باقي الاوطان=مثل الفتاه السعوديه
ناصرعليثه المحياوي [/poem]