يازينها اللي عليها احمر خدود

[أبو جميلة]

السلام عليكم ورحمه الله وبركاته

اسمحولي بالتطفل على هذا القسم فانا اطق طق على الكسرة لكن المره ذي
قلت خلني اجرب واطرح هذه الابيات

انا كأني مدخل القصيده ذي (اذا كانت) ورشه و منتظر الاعطاب فيها والمشاكل

فأرجوا من كل من يجد اي شئ اي تعديل اي نقد يقوله ويعتبرني طالب في هذا المنتدى...


يقول

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يازينها اللي عليها احمر خدود= خلقه طبيعي ماهو منتج صناعي
مااوصف جماله اللي ماله حدود=كنه نجم فالكون يصدر شعاعي
بفراقها الخاطر تشقى ومهدود= واقول واعي مير ماني بواعي
يارب ترسله من جنودك جنود= من خوف وامراض وايضا افاعي
اللي رماني بخد احمر ومورود= اللي رماني فوسط دنيا الضياعي[/poem]

انا حاس ان فيها تلكيعه شوي...بس انتظر التعليق واشوف

[عبد الإله]

صح لسان الشاعر
ماشاء الله عليك ياابو جميله شعر شعبي وكسرة ما خليت شي
لكن يا ابو جميله ما كأن الشطر الأخير فيه حرف ( الفاء ) زياده على الوزن يعني المفروض يكون
اللي رماني وسط دنيا الضياعي

[أبو جميلة]

اخوي أبو إبراهيم


لو ما طلعت خلل فالابيات مارديت عليك


امزح معك تراني

معاك فاللي قلته.. احس انه اخف



تسلم على ما كتبت وانا مجرد محب للشعر

[صاحب الامتياز]

صح لسان الشاعر كلام زي العسل

[عاشق حزن]

صح لسانك اخي ابو جميله

ومشكور على روعة الابيات

تحيتي وتقديري

[أبو جميلة]

اخواني الاعزاء
صاحب الامتياز و عاشق حزن
الله يعطيكم العافيه على المرور وعلى مشاعركم الطيبة

واسف جدا على التأخير..ما انتبهت للرد..
وبعدين طلعتلي فاتورة كما ابليس وقطعوا الخظ...

المهم الله يعطيكم العافية